Cyclone Fengal: तीन जणांचा मृत्यू, अनेक भागात शिरले पाणी, मदतकार्यासाठी लष्कराला पाचारण

Fengal Cyclone : बंगालच्या उपसागरात तयार झालेल्या फेंगल चक्रीवादळाचा जोरदार तडाखा तामिळनाडून पुद्दुचेरीतील काही भागांना जबर फटका बसला आहे. अनेक ठिकाणी अतिवृष्टी सदृश्य पाऊस पडल्याने हाहाकार उडाला. 

Fengal Cyclone Latest News: तामिळनाडू आणि पुद्दुचेरी या किनारपट्टी भागातील राज्यांना फेंगल चक्रीवादळाचा तडाखा बसला. चक्रीवादळ जमिनीवर आल्यानंतर अनेक भागात वेगवान वारे आणि मुसळधार पाऊस झाला. चक्रीवादळामुळे तीन जणांचा मृत्यू झाला असून, पाण्यात अडकलेल्या नागरिकांना बाहेर काढून सुरक्षित स्थळी हलवण्यासाठी एनडीआरएफ बरोबरच लष्करालाही पाचारण करण्यात आले आहे.

बंगालच्या खाडीत निर्माण झालेले फेंगल चक्रीवादळ किनारपट्टीवर धडकल्यानंतर तामिळनाडू आणि पुद्दुचेरीमध्ये जोरदार पाऊस झाला. राज्यातील अनेक भागात अतिमुसळधार पावसामुळे रस्ते पाण्याखाली गेले.

#FloodReliefOperations#HADR#NationBuilding#IndianArmy column is carrying out relief and rescue operations to provide succour to those affected by floods due to #CycloneFengal at Puducherry. More than 100 civilians have been rescued. Efforts to rescue remaining affected people… https://t.co/0bY5DEAZG5pic.twitter.com/hJA1VXKmhA

— ADG PI - INDIAN ARMY (@adgpi) December 1, 2024

नागरिकांना सुरक्षित स्थळी हलवले

वादळी वारे आणि अतिमुसळधार पावसामुळे बस, रेल्वे आणि हवाई वाहतूक विस्कळीत झाली. तामिळनाडूच्या किनारपट्टी भागात, तसेच पुद्दुचेरीच्या अडगळीच्या भागात राहणाऱ्या लोकांना बाहेर काढले जात असून, सुरक्षित स्थळी हलवण्यात येत आहे. 

#CycloneFengal#IndianArmy troops from #Chennai promptly responded to a call for aid from the District Collector, #Puducherry, following Cyclone Fengal. A 70-member HADR column, led by Maj Ajay Sangwan, reached Puducherry at 05:30 AM on 01 Dec 2024. Rescue operations began at… pic.twitter.com/7PzayiDMdx

— Southern Command INDIAN ARMY (@IaSouthern) December 1, 2024

मदत बचावकार्यासाठी लष्कराची मदत

भारतीय लष्कराचे जवान बचाव व मदत मोहिमेत सहभागी झाले असून, शनिवारी मध्यरात्रीपासून युद्धपातळीवर मदतकार्य केले जात आहे. पुद्दुचेरीतील कृष्णानगर भागात ५०० घरांमध्ये नागरिक अडकले होते. त्यांना सुरक्षितपणे बाहेर काढण्यासाठी मदत मोहीम राबवण्यात आली. 

Its depression look scary for tamilnadu #Cyclone#CycloneFengal#chennairains#tamilnadurains due to #fengalpic.twitter.com/7JllWAGdsl

— TN Trending News (@TNTrendingNews) November 26, 2024

फेंगल चक्रीवादळाचा हवाई वाहतुकीला फटका

चक्रीवादळामुळे चेन्नई विमानतळ तब्बल १६ तास बंद ठेवण्यात आले होते. रविवारी सकाळी ४ वाजता विमानतळ सुरू करण्यात आले. मात्र, हवाई वाहतुकीत प्रचंड अडथळे येत होते. भारतीय हवामान विभागाने दिलेल्या माहितीनुसार, फेंगल चक्रीवादळ उत्तर तामिळनाडू आणि पुद्दुचेरीच्या किनारपट्टी भागात स्थिर आहे आणि सायंकाळपर्यंत त्याचा जोर कमी होईल. 

When cross winds pose challenges to pilots during landing.

Similar case witnessed at Chennai airport, where the Indigo plane tried to land. However, due to #CycloneFengal and strong winds it decided to avert landing and took off before making touchdown.#ChennaiRainspic.twitter.com/lCuwJaDbCv

— Gautam Nautiyal (@Gnukpcc) December 1, 2024

चेन्नई आणि आजूबाजूच्या परिसरांमध्ये प्रचंड पाऊस झाला असून, हजारो घरांमध्ये पाणी शिरले आहे. चेन्नईत पावसामुळे करंट लागू तीन नागरिकांचा मृत्यू झाला आहे. आठ मदत छावण्या सुरू करण्यात आल्या असून, २०० लोकांना तिथे हलवण्यात आले आहे. त्याचबरोबर २.२३ लाख लोकांना भोजन पुरवण्यात आले आहे. १७०० मोटारीने सध्या शहरातील विविध भागातील पाण्याचा उपसा केला जात आहे, अशी माहिती उदयनिधी स्टॅलिन यांनी दिली.