पुत्रदा एकादशीनिमित्त विठ्ठलाच्या दर्शनासाठी भाविकांची गर्दी

र्शावणातील एकादशी; व्यापार्‍यांचे अतिक्रमण
26पंड01
पुत्रदा एकादशीनिमित्त विठ्ठल-रुक्मिणी मंदिर परिसरात झालेली भाविकांची गर्दी. (छाया - सचिन कांबळे)
26पंड02
विठ्ठल-रुक्मिणी मंदिर प्रदक्षिणा मार्गावर भजन करताना भाविक (छाया - सचिन कांबळे)
पंढरपूर : र्शावणातील एकादशी असल्याने पुत्रदा एकादशीनिमित्त विठ्ठल-रुक्मिणी मातेच्या दर्शनासाठी भाविकांनी बुधवारी पंढरपुरात गर्दी केली होती.
आषाढी यात्रेच्या सोहळ्यानंतरच्या दुसर्‍याच महिन्यातील व र्शावण महिन्यातील एकादशी पुत्रदा एकादशी आहे. त्याचबरोबर ज्या भाविकांना आषाढी यात्रेच्या सोहळ्यानिमित्त पंढरपूरला येणे जमले नाही असे भाविक र्शावण महिन्यातील या एकादशीनिमित्त विठ्ठलाच्या दर्शनासाठी महाराष्ट्राच्या कानाकोपर्‍यातून पंढरीत दाखल झाले होते.
विठ्ठलाच्या दर्शनासाठी पहाटेपासूनच गर्दी झाली होती. सकाळी दर्शन मंडपाचे आठ गाळे भरुन दर्शन रांग पत्र्याच्या शेडपर्यंत होती, परंतु दुपारी चारपर्यंत दर्शन मंडपाचे आठ गाळे भरुन रांग राममंदिरापर्यंत आली होती. विठ्ठल-रुक्मिणी मातेच्या दर्शनासाठी भाविकांची गर्दी असल्याने विठ्ठलाला पोषाख करण्यात आला नव्हता; मात्र विठ्ठलाला नेहमीप्रमाणे सर्व नित्योपचार करण्यात आले.
पंढरीत येणार्‍या भाविकांची संख्या रेल्वेने जादा होती. यामुळे रेल्वे येण्याच्या वेळेत स्टेशन रोडवरुन मंदिराकडे जाण्यासाठी भाविकांच्या रांगा तयार झाल्या होत्या.
भाविकांची वाढती गर्दी पाहून मंदिर परिसरातील व्यापार्‍यांनी आपली दुकाने रस्त्यावर मांडली होती. यामुळे भाविकांना मंदिर परिसरातून ये-जा करताना अडथळा निर्माण होत होता. व्यापार्‍यांचे अतिक्रमण पाहून नगरपालिकेच्या अतिक्रमण पथकाने जे.सी.बी. फिरवून व्यापार्‍यांना दुकाने पुन्हा मागे घेण्यास भाग पाडले. त्याचबरोबर वाढलेली गर्दी पाहून पोलीस प्रशासनाकडून मंदिर परिसरात चोख बंदोबस्त लावण्यात आला होता.