काँग्रेसचा महाराष्ट्रातील तरुण नेतृत्वावर विश्वास, कर्नाटक निवडणुकीसाठी पाठविले १५ निरीक्षक

Congress: पुढील महिन्यात होणाऱ्या कर्नाटक निवडणुकीसाठी काँग्रेसने ६६ जणांना निरीक्षक म्हणून नियुक्त केले असून, यात महाराष्ट्रातील १५ तरुण नेत्यांवर विश्वास दाखविला आहे. 

 नवी दिल्ली : पुढील महिन्यात होणाऱ्या कर्नाटक निवडणुकीसाठी काँग्रेसने ६६ जणांना निरीक्षक म्हणून नियुक्त केले असून, यात महाराष्ट्रातील १५ तरुण नेत्यांवर विश्वास दाखविला आहे. 
अ. भा. काँग्रेस समितीने प्रकाशित केलेल्या ६६ जणांच्या यादीत राज्यातील १५ नेत्यांचा समावेश आहे. प्रामुख्याने तरुण नेतृत्वाचा यादीत समावेश आहे. यामध्ये माजी मंत्री अमित देशमुख, विधान परिषदेतील काँग्रेसचे गटनेते सतेज पाटील, चरणजित सिंग छापरा, हुस्नबानो खलिफे, मुज्जफर हुसेन, आमदार रितुराज पाटील, आमदार संग्राम थोपटे, आमदार विकास ठाकरे, माजी आमदार सुनील देशमुख, माजी मंत्री विश्वजित कदम, आमदार झिशान सिद्दीकी, माजी मंत्री विजय वडेट्टीवार, यांचा समावेश आहे. बंगळुरू शहरासाठी असलेल्या निरीक्षकामध्ये माजी खासदार संजय निरुपम यांचाही समावेश आहे.