काँग्रेसचे निलंबित आमदार राहुल ममकूटथिल यांच्याविरुद्ध एका महिलेने केलेल्या लैंगिक शोषण आणि तिच्या संमतीशिवाय गर्भपात करण्यास भाग पाडल्याच्या गंभीर आरोपाखाली पोलिसांनी गुन्हा दाखल केला. पीडित महिलेने गुरुवारी मुख्यमंत्री पिनारायी विजयन यांची त्यांच्या कार्यालयात भेट घेऊन तक्रार केल्यानंतर हा प्रकार उघडकीस आला. गुन्हा दाखल झाल्याचे वृत्त कळताच राहुल ममकूटथिल फरार झाले असून, पोलिसांनी त्यांचा कसून शोध सुरू केला आहे. हे प्रकरण केरळच्या राजकारणात मोठे वादळ निर्माण करण्याची शक्यता आहे.
राहुल ममकूटथिल यांच्याविरुद्ध भारतीय दंड संहितेच्या विविध कलमांखाली गुन्हा दाखल करण्यात आला आहे. राहुल ममकूटथिल यांचा मित्र जॉबी जोसेफ याच्यावरही पीडितेला गर्भपाताच्या गोळ्या दिल्याचा आरोप आहे आणि त्याच्याविरुद्धही गुन्हा नोंदवण्यात आला आहे. तिरुवनंतपुरम शहर पोलिस आयुक्तांच्या नेतृत्वाखालील एक विशेष पथक या प्रकरणाची सखोल चौकशी करत आहे. पीडितेचा जबाब तिरुवनंतपुरमच्या मुख्य न्यायदंडाधिकाऱ्यांसमोर नोंदवला जाईल. तसेच डॉक्टरांचे एक पथक तिची वैद्यकीय तपासणी करेल, अशी माहिती पोलिसांनी दिली.
गुन्हा दाखल झाल्यापासून राहुल ममकूटथिल फरार असल्याचे वृत्त आहे. काँग्रेस नेत्यांनी दिलेल्या माहितीनुसार, ममकूटथिल गुरुवारी संध्याकाळपर्यंत कानडी परिसरात स्थानिक स्वराज्य संस्थांच्या निवडणुकीसाठी प्रचार करत होते. परंतु, नंतर ते गायब झाले. ममकूटथिल हे केरळ युवा काँग्रेसचे राज्य अध्यक्ष होते. परंतु, बलात्काराच्या आरोपांमुळे आणि विरोधकांच्या तीव्र निषेधानंतर त्यांना राजीनामा द्यावा लागला. राहुल ममकूटथिल यांच्याविरुद्ध यापूर्वीही अनेक महिला आणि एका ट्रान्सजेंडर व्यक्तीने बलात्काराचे आणि लैंगिक शोषणाचे आरोप दाखल केल्याची माहिती आहे.
Web Summary : Congress MLA Rahul Mamkootathil faces rape and forced abortion charges after a woman's complaint. He is now absconding. Police are investigating, and a medical examination of the victim is underway. He previously faced similar allegations and had resigned from his post.
Web Summary : कांग्रेस विधायक राहुल ममकुटथिल पर बलात्कार और जबरन गर्भपात का आरोप, महिला की शिकायत के बाद मामला दर्ज। वह फरार हैं। पुलिस जांच कर रही है, पीड़िता की मेडिकल जांच जारी है। उन पर पहले भी आरोप थे और उन्होंने इस्तीफा दे दिया था।