काँग्रेस नेते वासनिक 60 व्या वर्षी चढले बोहल्यावर

या लग्नात वासनिक यांचे कुटुंबीय, जवळचे नातेवाईक आणि मित्रमंडळी, तसेच काँग्रेसच्या काही ज्येष्ठ नेत्यांची उपस्थिती होती.

नवी दिल्ली : काँग्रेसचे ज्येष्ठ नेते आणि माजी केंद्रीय मंत्री मुकुल वासनिक यांनी अखेर आपले विवाहित जीवनाची नवीन सुरवात केली आहे. रविवारी त्यांनी वयाच्या 60 व्या वर्षी आपली मैत्रीण रवीना खुराणा यांच्याशी लग्न केले. पीटीआयने दिलेल्या माहितीनुसार हे लग्न दिल्लीतील पंचतारांकित हॉटेलमध्ये झाले. रवीना खुराना आणि वासनिक हे जुने मित्र आहेत. रवीना ह्या एका खासगी कंपनीत मोठ्या पदावर कार्यरत आहे.

या लग्नात वासनिक यांचे कुटुंबीय, जवळचे नातेवाईक आणि मित्रमंडळी, तसेच काँग्रेसच्या काही ज्येष्ठ नेत्यांची उपस्थिती होती. विवाहबंधनात अडकल्यानंतर या नवदाम्पत्यावर देशभरातून शुभेच्छांचा वर्षाव होत आहे.

तर राजस्थानचे मुख्यमंत्री अशोक गहलोत यांनी ट्विटद्वारे वासनिक यांच्या लग्नाची बातमी सार्वजनिक केली. त्यांनी मुकुल वासनिक यांना पुढील वाटचालीसाठी शुभेच्छाही दिल्या.

Wishing Mukul Wasnik Ji and Raveena Khurana Ji heartiest congratulations on embarking on this new journey together as a couple. May the coming years prove to be the happiest time of your life. Stay blessed. pic.twitter.com/XPVMx0CjXf

— Ashok Gehlot (@ashokgehlot51) March 8, 2020

तसेच, काँग्रेस नेते मनीष तिवारी यांनी सुद्धा आपल्या ट्विटर हँडलवर वासनिक यांच्या लग्नाचे फोटो शेअर केले असून, त्यावर लिहिले आहे की, माझ्या कुटुंबाकडून नवविवाहित जोडपे मुकुल वासनिक आणि रवीना खुराणा यांनी आयुष्याची नवीन सुरवात केल्याबद्दल अभिनंदन करतो.

It was such a pleasure for Naaznin &I to greet the newly weds @MukulWasnik and Ravina Khurana.
I met Sh. Mukul Wasnik way back in 1984 & Ravina in 1985 when all of us went for the World Festival of Youth & Students to Moscow.
So happy for the two of them. May God Bless them. pic.twitter.com/sWQu95iZ3d

— Manish Tewari (@ManishTewari) March 8, 2020