Bhopal Hospital Fire : भोपाळच्या कमला नेहरू रुग्णालयातील लहान मुलांच्या वॉर्डला आग, तीन बालकांचा मृत्यू

भोपाळच्या कमला नेहरू रुग्णालयातील लहान मुलांच्या वॉर्डमध्ये सोमवारी आग लागल्याची घटना घडली आहे. यामध्ये तीन बालकांचा मृत्यू झाल्याची माहिती मुख्यमंत्री शिवराज सिंह चौहान यांनी दिली.
भोपाळच्या कमला नेहरू रुग्णालयातील लहान मुलांच्या वॉर्डला सोमवारी आग लागल्याची घटना घडली. यामध्ये तीन मुलांचा मृत्यू झाल्याची माहिती समोर आली आहे. या प्रकरणी मध्यप्रदेशचे मुख्यमंत्री शिवराज सिंह चौहान यांनी उच्चस्तरिय चौकशीचे आदेश दिले आहे. तसंच ही घटना दुर्देवी असल्याची प्रतिक्रियाही त्यांनी यावेळी दिली.

"भोपाळमधील कमला नेहरू रुग्णालयातील लहान मुलांच्या वॉर्डला लागलेली आग ही दु:खद आहे. बचाव कार्य तेजीनं पूर्ण करण्यात आलं आहे. प्रशासनाची टीम घटनास्थळी उपस्थित असून मीदेखील या घटनेची माहिती घेत आहे," असं शिवराज सिंह चौहान म्हणाले. ही घटना अतिशय दुर्देवी असून बचाव कार्यही तेजीनं पूर्ण करण्यात आलं. या घटनेच्या उच्च स्तरिय चौकशीचे निर्देश देण्यात आले आहे. मोहम्मद सुलेमान हे या घटनेचा तपास करणार असल्याची माहिती त्यांनी ट्विटरद्वारे दिली.

बच्चों का असमय दुनिया से जाना बेहद असहनीय पीड़ा है। ईश्वर से दिवंगत आत्माओं की शांति की प्रार्थना करता हूं। इन बच्चों के परिजनों के प्रति मेरी गहरी संवेदनाएं हैं। घटना में जो घायल हुए हैं, उन्हें शीघ्र स्वास्थ्य लाभ हो, यही मेरी कामना है।

।। ॐ शांति ।।

— Shivraj Singh Chouhan (@ChouhanShivraj) November 8, 2021

यादरम्यान बचाव कार्य तेजीनं पूर्ण करण्यात आलं असलं तरी या ठिकाणी गभीररित्या आजारी असल्यामुळे दाखल करण्यात आलेल्या तीन बालकांना दुर्देवानं वाचवता आलं नाही. या घटनेचं आम्हाला दु:ख आहे. या बालकांच्या कुटुंबीयांप्रती संवेदना आहेत. या घटनेत जखमी झालेले लवकर बरे होवोत हिच इच्छा असल्याचंही ते म्हणाले.