26 ऑगस्टपर्यंत चिदंबरम सीबीआय कोठडीत; दिवसाला 30 मिनिटे कुटुंबीयांना भेटण्याची परवानगी

पी. चिदंबरम तपास यंत्रणांना चौकशीत सहकार्य करत नाही.

नवी दिल्ली - माजी केंद्रीय गृहमंत्री पी. चिदंबरम यांना दिल्लीच्या सीबीआय कोर्टाने 5 दिवसांची सीबीआय कोठडी सुनावली आहे. बुधवारी तपास यंत्रणांनी नाट्यमय घडामोडीनंतर जोरबाग येथील चिदंबरम यांच्या निवासस्थानातून त्यांना अटक केली होती. न्या. अजय कुमार कुहाड यांच्या कोर्टात आज सुनावणी झाली. या सुनावणी चिदंबरम यांच्या बाजूने कपिल सिब्बल, अभिषेक मनु सिंघवी यांनी कोर्टात बाजू मांडली. चिदंबरम यांना जामीन देण्याची वकिलांची मागणी कोर्टाने फेटाळून लावली. 

पी. चिदंबरम प्रकरणात संध्याकाळी 5.30 पर्यंत सुनावणी सुरू होती त्यानंतर कोर्टाने निर्णय राखून ठेवला. त्यानंतर सीबीआय कोर्टाने अर्ध्या तासानंतर पी. चिदंबरम यांना 26 ऑगस्टपर्यंत सीबीआय कोठडीत ठेवण्याचा निर्णय दिला. त्याचसोबत कोर्टाने चिदंबरम यांना प्रत्येक दिवशी 30 मिनिटे आपल्या वकिलांना आणि कुटुंबीयांना भेटण्याची परवानगी दिली. 

Court says family members and lawyers are permitted to meet #PChidambaram for 30 minutes a day https://t.co/kXgdMn4Lwi

— ANI (@ANI) August 22, 2019

सुनावणीवेळी सीबीआयने कोर्टात केस डायरी सादर केली. सॉलिसिटर जनरल तुषार मेहता यांनी पी. चिदंबरम यांना 5 दिवसांची कोठडीची मागणी केली. पी. चिदंबरम तपास यंत्रणांना चौकशीत सहकार्य करत नाही. त्यामुळे त्यांची आणखी चौकशी होणं गरजेचे आहे. आरोपीच्या पिंजऱ्यात चिदंबरम उभे होते. त्यांना न्यायाधीशांनी बसण्यात सांगितले असता त्यांनी उभं राहणचं पसंत केलं. 

Solicitor General Tushar Mehta arguing for CBI, earlier today,'We are merely seeking court’s permission to interrogate the accused further. It’s a serious case involving intelligent people.' https://t.co/UZtpuqqljE

— ANI (@ANI) August 22, 2019

चिदंबरम यांची बाजू मांडताना कपिल सिब्बल यांनी कोर्टात सांगितले की, या प्रकरणातील अन्य आरोपींना जामीन मिळाला आहे. FIPB बोर्डाला मान्यता देणाऱ्यांमध्ये 6 सरकारी सचिव होते, सीबीआयने त्यातील कोणालाही अटक केली नाही. या प्रकरणाची चौकशी पूर्ण व्हावी. आरोपपत्राचा आराखडा तयार केला मात्र तो सादर केला नाही. तर अभिषेक मनु सिंघवी यांनी म्हटलं की, सीबीआयला पी चिदंबरम यांना अटक करण्याची इतकी घाई का झाली? सीबीआय चुकीच्या पद्धतीने या प्रकरणाचा तपास करत आहे. सीबीआयला जे हवं ती उत्तरं चिदंबरम देणार नाहीत. 

पी. चिदंबरम यांना कोर्टात बोलण्याची अनुमती द्यावी अशी मागणी अभिषेक मनु सिंघवी यांनी केली. त्यानंतर कोर्टाने चिदंबरम यांना बोलण्याची परवानगी दिली. यावेळी कोर्टात चिदंबरम म्हणाले की, न्यायलयाने सीबीआयचे प्रश्न आणि उत्तरे एकदा तपासावे, असा कोणताही प्रश्न नाही ज्याला मी उत्तरं दिली नाहीत. त्यांनी मला विचारलं तुमचं बाहेर कुठे खाते आहे का? यावर मी नाही म्हणून सांगितलं. त्यांनी मला विचारलं तुमच्या मुलाचं परदेशात खाते आहे का? यावर मी होय असं उत्तर दिलं. 

P Chidambaram in Court: Please look at the questions and answers, there are no questions which I have not answered, please read the transcript.They asked, if I have bank account abroad, I said no, they asked if my son has an account abroad I said yes.

— ANI (@ANI) August 22, 2019