चांद्रयान -2 चा चंद्राच्या कक्षेत प्रवेश, इस्रोने दिली माहिती  

चंद्राच्या दिशेने झेपावलेल्या इस्रोच्याचांद्रयान-2 ने आज आपल्या प्रवासातील अजून एक मोठा टप्पा पार करत चंद्राच्या कक्षेत प्रवेश केला आहे. आज सकाळी चांद्रयान -2 यशस्वीरीत्या चंद्राच्या कक्षेत दाखल झाले, अशी माहिती इस्रोने ट्विट करून दिली. तसेच याबाबत अधिक माहिती इस्रोचे प्रमुख के. सिवान थोड्याच वेळात पत्रकार परिषदेमधून देतील, असे सांगण्यात आले आहे. 

#ISRO
Lunar Orbit Insertion (LOI) of #Chandrayaan2 maneuver was completed successfully today (August 20, 2019). The duration of maneuver was 1738 seconds beginning from 0902 hrs IST

For more details visit https://t.co/FokCl5pDXg

— ISRO (@isro) August 20, 2019

22 जुलै रोजी श्रीहरिकोटा येथून चंद्राच्या दिशेने झेपावलेल्या चांद्रयान-2 ने 14 ऑगस्ट रोजी पृथ्वीच्या कक्षेतून चंद्राच्या दिशेने प्रयाण केले होते. आता पुढचे काही दिवस चांद्रयान-2 चंद्राभोवती घिरट्या घालणार आहे. या काळामध्ये इस्रोकडून चांद्रयानाच्या कक्षेत पाचवेळा बदल करण्यात येणार आहेत. त्यानंतर अखेरीस हे यान चंद्राच्या ध्रुवावरून जात चंद्रावरील 100 किमी अंतरावरील आपल्या शेवटच्या कक्षेत पोहोचेल. 2 सप्टेंबर रोजी लँडर विक्रम ऑर्बिटरपासून वेगळे होईल. त्यानंतर 7 सप्टेंबर रोजी विक्रम चंद्राच्या दक्षिण ध्रुवावरील पृष्टभागावर लँडर विक्रम उतरेल. 

#ISRO
Dr. K. Sivan, Chairman, ISRO will brief media today (August 20, 2019) at 1100 hrs IST on the occasion of Lunar Orbit Insertion of #Chandrayaan2
Stay tuned on our website and youtube channel to watch live

— ISRO (@isro) August 20, 2019

दरम्यान, बंगळुरूस्थित केंद्रातून या यानाच्या स्थितीवर नजर ठेवली जात आहे. चांद्रयान २ च्या सर्व प्रक्रिया सामान्यपणे पार पडत आहेत, असे इस्रोने सांगितले आहे. आता चांद्रयान - 2 चंद्राच्या दक्षिण ध्रुवावर यशस्वीरीत्या उतरल्यानंतर चंद्राबाबत आतापर्यंत समोर न आलेल्या बाबींबर प्रकाश पडणार आहे.