नवी दिल्ली : अरुणाचल प्रदेशात गुरुवारी सकाळी कोसळलेल्या लष्करी हेलिकॉप्टर 'चित्ता'च्या दोन्ही पायलटचा मृत्यू झाला आहे. लष्कराच्या अधिकाऱ्यांनी याबाबत माहिती दिली आहे. खंर तर सकाळी 9.15 च्या सुमारास या हेलिकॉप्टरने अरुणाचल प्रदेशातील बोमडिला जवळून उड्डाण केले होते.
दोन्ही पायलटचा मृत्यूदरम्यान, उड्डाणानंतर थोड्याच वेळात हेलिकॉप्टरचा एटीसीशी संपर्क तुटला आणि बोमडिलाच्या पश्चिमेकडील मंडलाजवळ मोठा अपघात झाला. माहिती मिळताच वैमानिकांसाठी शोध मोहीम राबवण्यात आली. मात्र, काही तासांनंतर दोन्ही वैमानिकांचे मृतदेह बाहेर काढण्यात आले. सध्या अधिकारी या प्रकरणाचा अधिक तपास करत आहेत. यासोबतच मृत वैमानिकांचे मृतदेह रुग्णालयात पाठवण्यात आले आहेत.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"