भोपाळ : मध्य प्रदेशमध्ये विधानसभा निवडणुका होऊ घातल्या असून सर्वच पक्षांमध्ये उमेदवारीवरून इच्छुकांची भाऊगर्दी होणार आहे. यामुळे काँग्रेसने या आठवड्यात फेसबुकवर 15 हजार लाईक असलेले पेज, ट्विटरवर 5 हजार फॉलोअर्स असतील तरच निवडणुकीचे तिकिट मिऴणार असल्याचा फतवा काढण्यात आला होता. तो आज माघारी घेण्यात आला.
मध्य प्रदेशकाँग्रेस कमिटीच्या वतीने हा फतवा काढण्यात आला होता. यामध्ये बूथ लेव्हलवरही कार्यकर्त्यांचा व्हाट्सअॅप ग्रुप हवा अशी अट घालण्यात आली होती. यामुळे काँग्रेसच्या इच्छुकांमध्ये खळबळ माजली होती.