आसाम विधानसभा निवडणुकीच्या पार्श्वभूमीवर सत्ताधारी भाजपा आणि राज्यातील मुख्य विरोधी पक्ष असलेल्या काँग्रेसकडून एकमेकांच्या नेत्यांवर जोरदार आरोप प्रत्यारोप केले जात आहेत. यादरम्यान, काँग्रेसचे नेते पवन खेडा यांनी आसामचे मुख्यमंत्री हिमंता बिस्वा सरमा यांच्या पत्नी रिंकी भुयान शर्मा यांच्याकडे तीन देशांचे पासपोर्ट असल्याचा आरोप करत खळबळ उडवून दिली आहे. आता रिंकी भुयान शर्मा यांनी हे आरोप फेटाळून लावताना ‘तुमच्या तपस्येतच नाही तर फोटोशॉपमध्येही उणीव आहे, असा टोला लगावला आहे . तसेच खेडा यांच्यावर कायदेशीर कारवाई करण्याचा इशारा दिला आहे.
रिंकी भुयान शर्मा म्हणाल्या की, पवन खेडा यांनी दाखवलेली कागदपत्रे दिशाभूल करणारी आहेत. तसेच ती आर्टिफिशियल इंटेलिजन्स आणि फोटो एडिटिंगचा वापर करून तयार करण्यात आलेले आहे. याबरोबरच त्यांनी तुमच्या केवळ तपश्चर्येमुळेच नाही तर एआय जनरेशन आणि फोटोशॉपीमध्येही उणीवर राहिली आहे. कुठल्याही राजकीय पक्षाच्या प्रवक्त्याने असे आरोप करण्यापूर्वी प्राथमिक चौकशी आणि पडताळणी केली पाहिजे, असा सल्लाही त्यांनी दिला.
रिंकी भुयान शर्मा यांनी पवन खेडा यांना तपस्येत उणीवर राहिल्याचा टोला. २०२२ मध्ये राज्यसभेची उमेदवारी न मिळाल्यानंतर सोशल मीडियावर केलेल्या एका ट्विटवरून लगावला. तसेच रिंकी शर्मा यांनी या प्रकरणी कायदेशीर कारवाई करण्याचा इशाराही दिला आहे. आता मी कायद्याला आपलं काम करायला देईन. या खोट्या आरोपांबाबत फौजदारी गुन्हा दाखल झाला आहे. आता पुढील लढाई ही कोर्टात होईल, असेही त्यांनी सांगितले.
Web Summary : Rinky Bhuyan Sharma, wife of Assam CM, refuted Pawan Khera's passport allegations, calling them fabricated using AI. She warned of legal action, citing defamation and indicating a court battle.
Web Summary : असम के मुख्यमंत्री की पत्नी रिंकी भुयान शर्मा ने पवन खेड़ा के पासपोर्ट आरोपों का खंडन किया, उन्हें एआई का उपयोग करके मनगढ़ंत बताया। उन्होंने मानहानि का हवाला देते हुए कानूनी कार्रवाई की चेतावनी दी।