American Visa: भारत-अमेरिका संबंधांमध्ये गेल्या काही महिन्यांत निर्माण झालेल्या तणावाचे पडसाद आता थेट विद्यार्थ्यांवरही उमटताना दिसत आहेत. भारतातील अमेरिकन दूतावासाने बुधवारी (7 जानेवारी 2026) भारतीय विद्यार्थ्यांसाठी इमिग्रेशन नियमांबाबत कडक इशारा दिला आहे. अमेरिकन कायद्यांचे उल्लंघन केल्यास विद्यार्थीव्हिसा रद्द होऊ शकतो आणि देशाबाहेर हकालपट्टीही होऊ शकते, असे दूतावासाने स्पष्ट केले आहे.
अमेरिकन व्हिसा अधिकार नाही, तर सुविधा
अमेरिकन दूतावासाने ‘X’ (ट्विटर) या सोशल मीडिया प्लॅटफॉर्मवर पोस्ट करत म्हटले आहे की, 'अमेरिकेचे कायदे मोडल्यास तुमच्या विद्यार्थी व्हिसावर गंभीर परिणाम होऊ शकतात. तुम्हाला अटक झाली किंवा कोणताही कायदा मोडला, तर तुमचा व्हिसा रद्द केला जाऊ शकतो. तुम्हाला देशातून बाहेर काढले जाऊ शकते आणि भविष्यात अमेरिकेचा व्हिसा मिळण्यास अपात्र ठरवले जाऊ शकते. नियमांचे पालन करा आणि तुमचा शैक्षणिक प्रवास धोक्यात घालू नका. अमेरिकन व्हिसा हा अधिकार नाही, तर एक सुविधा आहे.'
या स्पष्ट शब्दांमुळे अमेरिकेत शिक्षणासाठी जाणाऱ्या किंवा आधीच तिथे असलेल्या भारतीय विद्यार्थ्यांमध्ये चिंता वाढली आहे.
अवैध स्थलांतरावरही अमेरिकेचा कडक पवित्रा
अमेरिकेने यापूर्वीही भारतातून जाणाऱ्या अवैध स्थलांतरितांबाबत कठोर इशारे दिले आहेत. इमिग्रेशन कायदे मोडल्यास मोठ्या फौजदारी शिक्षेला सामोरे जावे लागू शकते, असे अमेरिकेने स्पष्ट केले होते.
अमेरिकी प्रशासन सध्या अवैध स्थलांतर, गुन्हेगारी कृत्यांमध्ये सहभाग आणि इमिग्रेशन नियमांचे उल्लंघन यासंबंधी प्रकरणांत व्हिसा रद्द करणे आणि देशाबाहेर काढणे अशा कठोर कारवाया करत आहे.
H-1B आणि विद्यार्थी व्हिसा नियम अधिक कठोर
अमेरिकन प्रशासन सध्या H-1B आणि विद्यार्थी व्हिसा नियम अधिक कडक करत आहे. याचा थेट परिणाम परदेशी, विशेषतः भारतीय विद्यार्थ्यांच्या संख्येवर दिसून येत आहे. आकडेवारीनुसार गेल्या वर्षी अमेरिकेतील नवीन आंतरराष्ट्रीय प्रवेशांमध्ये 17 टक्क्यांची घट झाली. ऑगस्ट 2024 पर्यंतच्या आकडेवारीनुसार, आंतरराष्ट्रीय विद्यार्थ्यांच्या आगमनात वर्षागणिक 19 टक्के घट नोंदवण्यात आली. ही घट 2021 नंतरची सर्वात मोठी मानली जात आहे.
Web Summary : The US Embassy warns Indian students: breaking American laws risks visa revocation and deportation. This follows strained US-India relations and stricter visa rules, impacting international student numbers, which have significantly declined recently. Illegal immigration also faces severe penalties.
Web Summary : अमेरिकी दूतावास ने भारतीय छात्रों को चेतावनी दी: अमेरिकी कानून तोड़ने पर वीजा रद्द और निर्वासन का खतरा है। यह अमेरिका-भारत संबंधों में तनाव और सख्त वीजा नियमों के बाद आया है, जिससे अंतरराष्ट्रीय छात्रों की संख्या प्रभावित हुई है, जिसमें हाल ही में गिरावट आई है। अवैध आप्रवासन पर भी सख्त कार्रवाई।