अहमदाबाद विमान अपघातात मृत्युमुखी पडलेल्या एअर इंडियाची केबिन क्रू लॅमनुनथेम सिंगसन हिचं पार्थिव गुरुवारी रात्री मणिपूरच्या कांगपोक्पी जिल्ह्यात तिच्या गावी पोहोचलं. २६ वर्षीय लॅमनुनथेम सिंगसन एअर इंडियाच्या फ्लाइट एआय १७१ मधील क्रू मेंबर होती. अहमदाबाद विमानतळावरून उड्डाण घेतल्यानंतर काही वेळातच हे विमान कोसळलं. या विमानात असलेल्या २४२ लोकांपैकी फक्त एक प्रवासी वाचला आहे. बाकी विमानातील सर्वांना यामध्ये आपला जीव गमवावा लागला आहे.
कुटुंबीयांनी दिलेल्या माहितीनुसार, लॅमनुनथेम लंडनला जाणाऱ्या एआय १७१ विमानाच्या क्रूचा भाग नव्हती. आजारपणामुळे रजा घेतलेल्या एका सहकाऱ्याच्या जागी ती गेली होती. लॅमनुनथेम सिंगसन तिच्या कुटुंबातील एकमेव कमावणारी सदस्य होती. एका नातेवाईकाने सांगितलं की, ती तिच्या आईशी शेवटचं ११ जून रोजी फोनवर बोलली होती. लॅमनुनथेमने आईला सांगितलं होतं की, तिला गुरुवारी लंडनला जायचं आहे आणि त्यामुळे रात्री लवकर झोपायचं आहे.
शेतकरी वडिलांनी कर्ज काढून लेकाला शिकवलं पण अपघातामुळे डॉक्टर होण्याआधीच सारं संपलं
सिंगसनचा चुलत भाऊ लुन किपगेन म्हणाला की, लॅमनुनथेम ही कुटुंबाचा आधार होती. कमावणारी एकमेव सदस्य होती. तिच्या आईने मुलांना वाढवण्यासाठी खूप संघर्ष केला. लॅमनुनथेमचा मोठा भाऊ बेरोजगार आहे आणि गंभीर आजाराने ग्रस्त आहे, तर दुसरा भाऊ शिक्षण घेत आहे. अपघाताची बातमी आल्यानंतर आईला मोठा धक्का बसला आहे. आईने खाणं-पिणं बंद केलं आहे.
आईच्या शब्दाखातर 'तो' थांबला अन् विमान अपघातातून जीव वाचला; ऐनवेळी नेमकं काय घडलं?
भयंकर! आईच्या डोळ्यादेखत १५ वर्षांचा लेक जिवंत जळाला; काळजात चर्र करणारी घटना
अपघातात मृत्युमुखी पडलेल्या व्यक्तींच्या नातेवाईकांना मृतदेह ताब्यात देण्यात आले असून त्याचा आक्रोश मन हेलावून टाकत आहे. याच दरम्यान हृदयद्रावक घटना समोर आली आहे. एका आईसमोरच मुलाचा तडफडून मृत्यू झाला. तिने लेकाला जळताना पाहिलं. १५ वर्षांचा आकाश पटनीचा मृत्यू झाला आहे. आकाश विमानातही नव्हता आणि बीजे मेडिकल कॉलेजच्या परिसरात देखील नव्हता. तरी त्याला आपला जीव गमवावा लागला आहे. आकाशची आई सीताबेन आयपी कंपाऊंडमध्ये चहाची टपरी चालवते. आकाश त्याच्या आईसाठी जेवणाचा डब्बा घेऊन आला होता.