कोर्टातील कोठडीमध्ये दोन गटांमध्ये हामामारी, एका कैद्याचा मृत्यू

Delhi Court: दिल्लीतील साकेत कोर्टामध्ये मंगळवारी सुनावणीसाठी आणलेल्या दोन कैद्यांमध्ये भीषण संघर्ष झाला.  कोर्ट परिसरात झालेल्या या हिंसक झटापटीमध्ये एका कैद्याचा मृत्यू झाला.  या घटनेने कोर्टाच्या सुरक्षा व्यवस्थेवर गंभीर प्रश्नचिन्ह उपस्थित केले आहेत.

दिल्लीतील साकेत कोर्टामध्ये मंगळवारी सुनावणीसाठी आणलेल्या दोन कैद्यांमध्ये भीषण संघर्ष झाला.  कोर्ट परिसरात झालेल्या या हिंसक झटापटीमध्ये एका कैद्याचा मृत्यू झाला.  या घटनेने कोर्टाच्या सुरक्षा व्यवस्थेवर गंभीर प्रश्नचिन्ह उपस्थित केले आहेत.

५ जून रोजी दिल्लीतील साकेत कोर्टाच्या लॉकअपमध्ये कैद्यांच्या दोन गटांमध्ये हामामारी झाल्याने गोंधळाची परिस्थिती निर्माण झाली. या झटापटीमधील जखमी तरुण अमन याचा रुग्णालयात उपचारांदरम्यान मृत्यू झाला.

मृत कैद्याची ओळख अमन अशी पटली आहे. तो दिल्लीतील गोविंदपुरी भागातील रहिवासी होता. अमन विरोधात गोविंदपुरी पोलीस ठाण्यामध्ये गुन्हा दाखल होता. दरम्यान, ही घटना घडली तेव्हा कोठडीमध्ये अनेक कच्चे कैदी होते. अमन याच्यावर हल्ला करणाऱ्या आरोपींची ओळख जितेंद्र उर्फ जित्ते आणि जयदेव उर्फ बच्चा अशी पटली आहे.  अमन आणि या दोघांमध्ये जुनं वैर असल्याची माहिती समोर आली आहे.