नशिबाचा खेळ! ३३ वर्षांपूर्वी मुलासाठी ढाबा बांधत होते, तिथेच मुलाचा मृत्यू झालेला, त्याच ढाब्यासमोर फौजा सिंग यांना कारने उडवले

जगातील सर्वात वयोवृद्ध मॅरेथॉन धावपटूचा किताब पटकावणाऱ्या फौजा सिंग यांचे सोमवारी वयाच्या ११४ व्या वर्षी रस्ते अपघातात निधन झाले. या प्रकरणात आता नवीन माहिती समोर आली आहे.

सर्वात वयोवृद्ध मॅरेथॉन धावपटूचा किताब पटकारे फौजा सिंग यांचा काल रस्ते अपघातामध्ये मृत्यू झाल्याची बातमी समोर आली. या प्रकरणी आता एक नवीन माहिती समोर आली आहे.एका फॉर्च्युनर कारने त्यांना त्यांनी बांधलेल्या ढाब्यासमोरच उडवले होते.यामध्ये त्यांचा मृत्यू झाला. हा ढाबा त्यांच्या मुलाच्या नावे होता. मुलाचा काही वर्षापूर्वी या ढाब्यावर मृत्यू झाला होता. 

जगातील सर्वात वृद्ध धावपटू फौजा सिंग यांचे वयाच्या ११४ व्या वर्षी निधन; महामार्गावर झाला होता अपघात

नशिबाचा खेळ...

३३ वर्षांपूर्वी १९९२ मध्ये, फौजा सिंग हे त्यांच्या मोठा मुलगा कुलदीपसाठी राष्ट्रीय महामार्गाच्या बाजूला बियास गावातील त्यांच्या घराजवळ एक ढाबा बांधत होते. बांधकामादरम्यान, भिंतींवर पाणी टाकताना त्याचे शटरिंग कोसळले आणि या अपघातात त्यांचा मुलगा कुलदीप यांचा मृत्यू झाला.

फौजा सिंग हळूहळू त्या धक्क्यातून सावरले, परंतु त्यांनी त्यांच्या मुलाच्या आठवणीत बांधलेला तो ढाबा मिळवला आणि नंतर तो भाड्याने दिला. ढाब्याचे नाव कुलदीप वैष्णो ढाबा आहे. वयाच्या ११४ व्या वर्षीही, फौजा सिंग त्यांच्या फिरायला जाताना दररोज ढाब्यावर जात होते.

नशिबाचा खेळ पहा की सोमवारी दुपारी ३.१५ वाजता पठाणकोट-जालंधर राष्ट्रीय महामार्गावर एका पांढऱ्या कारने फौजा सिंग यांना धडक दिली जेव्हा ते रस्ता ओलांडून त्याच ढाब्यावर जात होते.

कार चालकाला अटक

 पोलिसांनी कारला धडक देणाऱ्या फॉर्च्युनरचा चालक अमृतपाल सिंग ढिल्लन याला अटक केली आहे. पोलिसांनी कारही जप्त केली आहे.

आरोपीने कबूल धडक दिल्याचे कबूल केले. तो अपघाताच्या वेळी कारमध्ये एकटाच होता. भोगपूरहून किशनगडला जात होता. सीसीटीव्ही फुटेजमध्येही ही कार कैद झाली होती, याच्या आधारे पोलिसांनी चौकशीनंतर त्याला अटक केली. फॉर्च्युनर (PB20-C-7100) ही बालाचौर शहरातील हरप्रीतच्या नावावर नोंदणीकृत आहे.

पोलिसांनी त्याच्या घरावर छापा टाकून चौकशी केली. तेव्हा ती गाडी तीन ठिकाणी विकली गेल्याचे आढळून आले. एसएसपी हरविंदर सिंग विर्क यांनी घटनास्थळी पोहोचून चौकशी केली.

अपघातापूर्वी लुधियानाचे निवृत्त डीएसपी देखील अपघातस्थळावरून कारमधून निघून गेले. सोमवारी पोलिसांनी डीएसपीची चौकशी केली. लिंक्स जोडून पोलिस आरोपीपर्यंत पोहोचले.