आग्र्यात बसचा भीषण अपघात; 29 जणांचा मृत्यू

लखनऊहून दिल्लीला जाणाऱ्या बसला अपघात

नवी दिल्ली: यमुना एक्स्प्रेस वेवर झालेल्या भीषण अपघातात 29 जणांचा मृत्यू झाला आहे. लखनऊहून दिल्लीला जात असलेल्या बसला आग्र्याजवळ अपघात झाला. चाळीस प्रवाशांना घेऊन जाणारी बस नाल्यात कोसळली. पहाटेच्या सुमारास नियंत्रण सुटल्यानं हा अपघात झाला. सध्या दुर्घटनास्थळी बचाव कार्य सुरू आहे.

#UPDATE 29 persons dead after a bus carrying around 40 passengers fell into 'jharna nalla' on Yamuna Expressway in Agra. Rescue operation underway. pic.twitter.com/mAnY9pUsgX

— ANI UP (@ANINewsUP) July 8, 2019

दिल्लीला जात असणारी प्रवासी बस आग्र्याजवळ झरना नाल्यात कोसळली. सध्या घटनास्थळी पोलिसांकडून बचावकार्य सुरू आहे. या अपघाताबद्दल मुख्यमंत्री योगी आदित्यनाथ यांनी दु:ख व्यक्त केलं. जखमींपर्यंत आवश्यक मदत पोहोचवण्याचे आदेश मुख्यमंत्र्यांनी पोलीस अधीक्षकांना आणि जिल्हाधिकाऱ्यांना दिले आहेत. 

UP CM Yogi Adityanath has taken cognizance of the accident of Awadh Depot Bus of UP Roadways in Agra on the Yamuna Expressway. He has expressed his grief and condolences at the death of the passengers and directed DM SSP to provide all possible medical attention to the injured. pic.twitter.com/dqjsxGxam4

— ANI UP (@ANINewsUP) July 8, 2019

अपघातग्रस्त बस अवध आगाराची होती. अपघातानंतर उत्तर प्रदेश रस्ते वाहतूक प्राधिकरणानं मदतीची घोषणा केली. मृतांच्या कुटुंबीयांना 5 लाखांची मदत जाहीर करण्यात आली. या अपघातात जखमी झालेल्या प्रवाशांना रुग्णालयात दाखल करण्यात आलं आहे. अपघातात काही महिला आणि लहान मुलांचा समावेश आहे.