दुबई आणि बांगलादेशातून चालवल्या जाणाऱ्या तस्करी रॅकेटला केंद्रीय यंत्रणेने दणका दिला. महसूल गुप्तचर संचालनालय (Directorate of Revenue Intelligence) या तपास यंत्रणेने दिल्ली आणि आगरातळा येथे एकाच वेळी धाडी टाकत मोठ्या प्रमाणात सोने आणि रोख रक्कम जप्त केली.
महसूल गुप्तचर संचालनालयाने दिलेल्या माहितीनुसार, दोन शहरात टाकण्यात आलेल्या या धाडीमध्ये २९ किलो सोने जप्त करण्यात आले. त्याची बाजारभावाप्रमाणे किंमत ४० कोटी रुपये इतकी आहे. तर रोख रक्कमही मिळाली असून, ती २.९० कोटी रुपये इतकी आहे.
डीआरआयने आगरातळा येथे केलेल्या या कारवाईमध्ये आसाम रायफल्स जवानांचाही सहभाग होता. डीआरआयला गुप्तचर यंत्रणेकडून आंतरराष्ट्रीय तस्करी रॅकेटबद्दल माहिती मिळाली होती. त्यानंतर बुधवारी धाडी टाकण्यात आल्या.
दुबई आणि बांगलादेशातून चालवल्या जात असलेल्या या तस्करी रॅकेटचे मोठे जाळे आहे. ६ जानेवारी रोजी डीआरआयच्या अधिकाऱ्यांनी या रॅकेटमधील स्थानिक गोडाऊनमधून चार जणांना बेड्या ठोकल्या. आगरातळा येथून १५ किलो सोने जप्त करण्यात आले, ज्याची अंदाजे किंमत २०७३ कोटी रुपये इतकी आहे.
डीआरआयच्या पथकाने दिल्लीतही कारवाई केली. दिल्लीत अनेक ठिकाणी धाडी टाकण्यात आल्या. १४.२ किलो परदेशातून आणण्यात आलेले सोने जप्त करण्यात आले. त्याचबरोबर २.९० कोटी रुपये रोख रक्कमही जप्त करण्यात आली. रोख रक्कम भारतीय आणि बांगलादेशी चलनात आहे. या प्रकरणी चार जणांना अटक करण्यात आली आहे.
Web Summary : DRI dismantled a Dubai-Bangladesh smuggling ring, seizing 29kg gold (₹40 crore) and ₹2.9 crore cash in Delhi and Agartala raids. Assam Rifles assisted in Agartala. Four arrested with foreign gold and currency.
Web Summary : डीआरआई ने दुबई-बांग्लादेश तस्करी गिरोह का भंडाफोड़ किया, दिल्ली और अगरतला में छापे मारकर 29 किलो सोना (₹40 करोड़) और ₹2.9 करोड़ नकद जब्त किए। अगरतला में असम राइफल्स ने सहायता की। विदेशी सोने और मुद्रा के साथ चार गिरफ्तार।