मणिपूरमध्ये १० दहशतवाद्यांना अटक, मोस्ट वॉन्टेड नक्षली ‘सुक्रू’ अखेर शरण

त्यांच्यावर ही कारवाई करण्यात आली.

इम्फाळ : प्रीपाक (आरए) या प्रतिबंधित संघटनेच्या १० दहशतवाद्यांना मणिपूरमधील तेंगनौपाल जिल्ह्यात भारत-म्यानमार सीमेनजीक सुरक्षा दलांनी अटक केली. त्यात पाच अल्पवयीन मुलांचा समावेश आहे. मोरेह पोलिस ठाण्याच्या हद्दीत सीमेवर असलेल्या पिलर ७७ ते ८२ या दरम्यानच्या भागात या दहा जणांच्या संशयास्पद हालचाली सुरू होत्या.   त्यांच्यावर ही कारवाई करण्यात आली.

ओडिशातील शेवटचा आणि सर्वांत मोस्ट वॉन्टेड नक्षलवादी सुक्रू हा मंगळवारी कंधमाल जिल्ह्यात पोलिसांसमोर चार साथीदारांसह शरण आला. सीपीआय (माओवादी)चा राज्य समिती सदस्य असलेला सुक्रूवर ५५ लाख रुपयांचे बक्षीस होते. त्याने एके-४७ रायफलसह आत्मसमर्पण केले, तसेच त्याच्या साथीदारांनीही चार शस्त्रे जमा केली. मलकानगिरी जिल्ह्यातील रहिवासी असलेला ४९ वर्षीय सुक्रू हा राज्यातील उरलेल्या प्रमुख नक्षल नेत्यांपैकी एक मानला जात होता. तो १३ जणांच्या गटाचे नेतृत्व करत होता.

----००००----