वावरे महाविद्यालयात महिलांचा गौरव

 सिडको : कर्मवीर शांतारामबापू वावरे सिडको महाविद्यालयात जागतिक महिला दिनी जिल्हा परिषद गणाच्या नवनिर्वाचित प्रतिनिधी अमृता पवार यांंच्या हस्ते महिलांचा गौरव करण्यात आला. याप्रसंगी व्यासपीठावर कार्यक्रमाचे अध्यक्ष म.वि.प्र. समाज संचालक नाना महाले उपस्थित होते. तसेच स्थानिक व्यवस्थापन सदस्य अश्विनी बोरस्ते, द्वारका श्रीवास्तव, नगरसेवक कल्पना चुंभळे, प्रतिभा पवार, रत्नमाला राणे, प्राचार्य डॉ. दिलीप शिंदे, उपप्राचार्य डॉ. नितीन पाटील, प्रा. डी. जी. शिंदे, कार्यक्रम समन्वयक प्रा. डॉ. शुभांगी गोसावी, डॉ. एस. बी. जाधव आदि उपस्थित होते. यावेळी सिडको परिसरातील कर्तृत्ववान व धाडसी महिलांचा सत्कार प्रमुख अतिथींच्या हस्ते करण्यात आला. अश्विनी बोरस्ते, प्रा. सुजाता पाटील, प्रा. डॉ. जयश्री जाधव, प्रा. मंजुषा नेरकर, शकुंतला चौधरी, अनिता अहिरराव तसेच नवनिर्वाचित नगरसेवक रत्नमाला राणे, कल्पना चुंभळे, प्रतिभा पवार, छाया देवांग, सुधीर विधाते यांचा सत्कार करण्यात आला. महाविद्यालयाचे प्राचार्य डॉ. दिलीप शिंदे यांनी प्रास्ताविक केले. कार्यक्रमाचे सूत्रसंचालन प्रा. संगीता आहेर यांनी केले. आभार प्रदर्शन प्रा. हर्षला सूर्यवंशी यांनी केले. कार्यक्रमास प्रा. एस. टी. घुले, प्रा. के. एम. खालकर, प्रा. डी. टी. जाधव, प्रा. डॉ. सरिता जाधव, राजाराम गायकर, संतोष गडाख, बापू बागुल, सोमनाथ गांगुर्डे आदि उपस्थित होते.