दात्याणेला गाव स्वच्छता माेहीम
By लोकमत न्यूज नेटवर्क | Updated: January 26, 2021 02:24 IST2021-01-25T23:35:50+5:302021-01-26T02:24:31+5:30
सायखेडा : दात्याणे येथे प्रजासत्ताक दिनाच्या पार्श्वभूमीवर नवनिर्वाचित महिला सदस्यांच्या संकल्पनेतून व महिला ग्रामसंघ, दात्याणे येथील सर्व महिला बचत गट यांच्या सक्रिय सहभागातून ग्रामस्वच्छता अभियान राबविण्यात आले व प्लास्टिक बंदीचा निर्धार करण्यात आला.
दात्याने येथे ग्रामस्वच्छता करताना महिला.
सायखेडा : दात्याणे येथे प्रजासत्ताक दिनाच्या पार्श्वभूमीवर नवनिर्वाचित महिला सदस्यांच्या संकल्पनेतून व महिला ग्रामसंघ, दात्याणे येथील सर्व महिला बचत गट यांच्या सक्रिय सहभागातून ग्रामस्वच्छता अभियान राबविण्यात आले व प्लास्टिक बंदीचा निर्धार करण्यात आला.
स्वच्छता अभियानात गावातील महिला ग्रामसंघातील सरस्वती, झाशीची राणी, प्रगती, मरीमाता, जिजामाता, लक्ष्मी, जयमल्हार, शिवशक्ती, आदीशक्ती, जागृती, उडाण महिला स्वयंसाहाय्यता समूह या बचत गटांतील सर्व महिला व दाणेश्वर पॕनलचे नवनिर्वाचित ग्रामपंचायत सदस्य, ग्रामसेवक, ग्रामपंचायत कर्मचारी व सर्व ग्रामस्थ यांचाही सहभाग लाभला. विशेष म्हणजे गावातील महिलांनी या स्वच्छता अभियानात उत्स्फुर्तपणे सहभाग घेतला व गाव नेहमीच स्वच्छ ठेवण्याचा निर्धार व्यक्त केला. याप्रसंगी ग्रामसेवक भवरे यांनी स्वच्छता व प्लास्टिक बंदीविषयी माहिती दिली.
