भूमिगत गटारीचे घाण पाणी रस्त्यावर

वडाळागावातील शंभर फुटी रस्त्यालगत मनपा घरकुलासमोर भूमिगत गटारीच्या चेंबरमधून घाण व दुर्गंधीयुक्त पाणी वाहत असल्याने नागरिकांच्या आरोग्याचा प्रश्न निर्माण झाला आहे.

इंदिरानगर : वडाळागावातील शंभर फुटी रस्त्यालगत मनपा घरकुलासमोर भूमिगत गटारीच्या चेंबरमधून घाण व दुर्गंधीयुक्त पाणी वाहत असल्याने नागरिकांच्या आरोग्याचा प्रश्न निर्माण झाला आहे. यासंबंधी मनपाच्या संबंधित विभागाला अनेक वेळेस तक्रार करूनही कोणतीही दखल घेतली जात नसल्याने नागरिकांनी तीव्र संताप व्यक्त केला आहे.
वडाळागावातील घरकुल योजनेसमोरील शंभर फुटी रस्त्यावरून दिवसभर मोठ्या संख्येने वाहनांची वर्दळ सुरू असते,
तसेच घरकुल योजना व समोर
नागरी वस्तीत शेकडोंच्या संख्येने नागरिक राहतात.
गावात नेहमीच भूमिगत गटारीच्या चेंबरमधून घाण व दुर्गंधीयुक्त पाणी वाहत असते. त्यामुळे पादचाऱ्यांना नाक दाबून मार्गक्र मण करावे लागत आहे. तसेच परिसरातील नागरिकांच्या आरोग्याचा प्रश्न निर्माण झाला आहे. मनपाच्या संबंधित विभागाला अनेक वेळा तक्रार करूनही कोणतीही दखल घेतली जात नसल्याने नागरिकांनी तीव्र संताप व्यक्त केला आहे.