लोकमत न्यूज नेटवर्कनाशिक : विविध सोशल नेटवर्किंग साइटवरून फसवणुकीचे प्रकार सातत्याने समोर येत असताना आॅनलाइन स्टॉकर्सने महिलांभोवती आर्थिक फसवणुकीबरोबर मानसिक छळ, छायाचित्रांचा गैरवापर करून विनयभंग, फेक अकाउंट काढून बदनामी करणे अशा विविध विकृत कृ त्यांच्या विळखा घातल्याने महिला सुरक्षेला धोका निर्माण झाला आहे. नाशिकमध्ये गतवर्षी १ जानेवारी ते ३१ डिसेंबर २०१९ या कालावधीत १२ प्रकरणांमध्ये अशाप्रकारे फेसबुक, व्हॉट्सअॅपच्या माध्यमांतून महिलांचा पाठलाग करण्याचे प्रकार समोर आले आहेत. त्यामुळे अशा आॅनलाइन सॉक्टर्सच्या या विळख्यापासून स्वत:ला वाचविण्यासाठी महिलांनी योग्य ती खबरदारी घेऊन अशा सायबर गुन्हेगारांचा सामना करण्यासाठी सक्षम बनण्याची गरज निर्माण झाली आहे.इंटरनेट येण्यापूर्वी पत्र पाठवून स्त्रियांचा छळ होत होता. आता तंत्रज्ञानाच्या युगात पत्रांची जागा ई-मेलने घेतली आहे. बऱ्याचदा ई-मेलद्वारे स्त्रियांना अथवा मुलींना ब्लॅकमेल करणे, धमकाविणे इत्यादी प्रकार घडतात. बहुतांश घटनांमध्ये जवळच्याच व्यक्ती यामध्ये गुंतलेल्या आढळतात. ‘सायबर स्टॉकिंग’ या प्रकारात इंटरनेटच्या माध्यमातून पीडित व्यक्तीला त्रास दिला जातो. बºयाचदा या प्रकारामधील गुन्हेगार हा प्रेमभंग झालेला किंवा एकतर्फी प्रेम करणारा असतो. काही वेळा अपमानित व्यक्ती बदला घेण्याच्या भावनेनेही अशी कृती करत असते, तर काहींनी अशाप्रकारे महिलांना अशाप्रकारे जाळ्यात ओढून त्यांच्याकडून पैसे उकळण्याचा व्यवसाय बनविला आहे. अशा प्रकरणांमध्ये स्टॉकर्सकडून पीडित व्यक्तीची संपूर्ण वैयक्तिक माहिती, कौटुंबिक माहिती, फोन क्रमांक आणि पीडित व्यक्तीची दैनंदिनी, या सर्वांची माहिती जमा करून त्याचा वापर त्रास देण्याकरिता केला जातो. ही वैयक्तिक माहिती अश्लील वेबसाइटवरही पोस्ट केली गेल्याचे प्रकारही घडतात. अथवा तशी धमकी दिली जाते. त्यामुळे महिलांनी याविषयी सावध राहण्याची गरज निर्माण झाली आहे.आमिषाला बळी पडू नकासध्याच्या आॅनलाइनच्या युगात मॅट्रिमोनिअल साइट किंवा फेसबुकवर फ्रेंड रिक्वेस्ट पाठवून लग्नासाठी जोडीदार शोधताना अनेक मुले-मुली आढळतात. नेमका याच गोष्टीचा फायदा घेऊन इंटरनेटच्या माध्यमातून महिलांवर नजर ठेवणारे आॅनलाइन टवाळखोर महिला व मुलींशी संवाद साधण्याचा प्रयत्न करून त्यांना वेगवेगळे आमिष दाखवून आपल्या जाळ््यात ओढतात. इंटरनेटवरील चॅटिंग/डेटिंग, आॅनलाइन मॅट्रिमोनिअल वेबसाइटद्वारे चॅट करताना स्वत:बद्दलची चुकीची माहिती देऊन प्रेमपाशात अडकविण्याचे प्रकार वाढले आहेत. त्यामुळे कोणत्याही संकेतस्थळावर खासगी माहिती, फोटो, व्हीडीओ अपलोड करताना खबरदारी घेण्याचा सल्ला सायबर तज्ज्ञांकडून देण्यात आला आहे.
अशी राखा आपली सुरक्षा
कोणतीही खासगी माहिती, फोटो सोशल मीडियावर टाकून नका.त्रास देणाºया व्यक्तींना तत्काळ ब्लॉक करा. त्यानंतरही त्रास होत असेल तर सायबर पोलिसांची मदत घ्या.अकाउंट्सचे पासवर्ड वारंवार बदलत राहा.आपल्या सोशल मीडिया अकाउंटला भेट देणाºया व्यक्तींची तपासणी करा.मित्र-मैत्रिणींच्या, तसेच ओळखीच्या व्यक्तींच्या अकाउंटवरून काही आक्षेपार्ह संदेश येत असतील, तर त्यांच्याकडून खातरजमा करून घ्या.अनोळखी ई-मेल्स उघडून पाहू नका.फ्रेंडलिस्टमध्ये अनोळखी व्यक्तींचा समावेश टाळा.अनोळखी व्यक्तींशी आॅनलाइन चॅटिंग करू नका.कॉम्प्युटर वापरताना अनोळखी वेब साइटना भेटी देण्याचे टाळा, चॅट करताना कुठलीही महत्त्वाची माहिती टाइप करू नका. वेब कॅमेरा काम झाल्यावर बंद करा किंवा झाकून ठेवा.