शिंदेंच्या शिवसेनेतील गटबाजी अखेर शमली, दोन्ही गटांचे अखेर मनोमिलन! दादा भुसेंच्या मध्यस्थीला यश

Shiv Sena News: नाशिकमध्ये एकनाथ शिंदेंच्या नेतृत्वाखाली शिवसेनेनेमध्ये धुसफूस सुरू होती. पक्षात दोन गट पडल्याची चित्र समोर आल्यानंतर चर्चा सुरू झली होती. अखेर यावर तोडगा काढण्यात यश आले. 

Nashik News: गेल्या काही महिन्यांपासून नाशिकमध्ये शिंदेंच्या शिवसेनेत वाढलेली गटबाजी शमवण्यात पक्षाच्या नेत्यांना यश आले आहे. उपमुख्यमंत्री एकनाथ शिंदे यांच्या कडक सूचनेनंतर पक्षाचे नेते आणि राज्याचे शालेय शिक्षण मंत्री दादा भुसे यांनी दोन्ही गटाच्या नेत्यांची एकत्रीत बैठक घेतल्यानंतर आता संबंधितांचे मनोमिलन झाले आहे. 

'लोकमत'चं WhatsApp चॅनल फॉलो करा!

गेल्या दोन दिवसांपासून पक्षाच्या सर्व कार्यक्रमांना पक्षाचे उपनेते विजय करंजकर, अजय बोरस्ते आणि महानगर प्रमुख प्रविण तिदमे एकत्र हजेरी लावत आहेत.

विशेष म्हणजे पक्षाचे ज्येष्ठ नेते एकत्र आल्यानंतर आता युवा सेनेचे पदाधिकारीही एकत्र आले आहेत. युवा सेनेच्या मध्यंतरी स्थगित झालेल्या कार्यकारिणीची पुनर्रचना करण्यास संबंधित राजी झाले आहेत. रविवारी ) यासंदर्भात बैठक पार पडली.

पक्षाचे नेते आणि मंत्री दादा भुसे तसेच मीतभाषी आणि कोणत्याही गटातटात पडणारे नसले तरी भुसे, माजी खासदार हेमंत गोडसे आणि पक्षाचे जिल्हाप्रमुख तथा उपनेते अजय बोरस्ते यांचा एक गट तर राजू लवटे, विजय करंजकर आणि प्रवीण तिदमे यांचा दुसरा गट असल्याने पक्षातील बहुतांश नेते, माजी नगरसेवक आणि कार्यकर्ते या दोन गटांत विभागले गेले. त्यातच पक्षाचे सचिव भाऊसाहेब चौधरी हे दुसऱ्या गटाला धार्जिणे असल्याचा आरोप करण्यात आला होता.

युवा सेनेतील गटही एक

शालेय शिक्षण मंत्री दादा भुसे यांनी दोन्ही गटात मध्यस्थी केल्यानंतर रविवारी (दि.१५) युवा सेनेतील गट तटातील वादही थांबले आहेत. रविवारी युवा सेनेचे मुख्य सचिव राहुल लोंढे यांनी नाशिकमध्ये बैठक घेतली. यावेळी योगेश बेलदार, रूपेश पालकर, हर्षदा गायकर, ठाकरे आदींसह अन्य पदाधिकारी उपस्थित होते.