प्रदूषण रोखण्यासंदर्भात बांधकाम व्यवसायिकांसाठी कठोर नियम

महापालिका क्षेत्रात शहरात गेल्या काही दिवसांपासून हवेच्या प्रदूषणात वाढ होत आहे. यामुळे अनेक नागरिकांना श्वसनाचे विकार जडले आहेत.

नाशिक : शहरात वाढणाऱ्या हवेच्या प्रदूषणाची शासनाच्या पर्यावरण विभागाने गंभीर दखल घेतली आहे. या विभागाने बांधकाम व्यावसायिकांसाठी विविध मार्गदर्शक तत्त्वे अध्यादेशाद्वारे जाहीर केली असून, पालन न करणाऱ्यांवर महापालिका कारवाईचा बडगा उगारणार आहे. 

महापालिका क्षेत्रात शहरात गेल्या काही दिवसांपासून हवेच्या प्रदूषणात वाढ होत आहे. यामुळे अनेक नागरिकांना श्वसनाचे विकार जडले आहेत. मध्यंतरीही केंद्र शासनाच्या पर्यावरण विभागाने जाहीर केलेल्या हवा प्रदूषणात नाशिक शहराचा २१ वा क्रमांक आला होता. या प्रकरणी राज्य शासनाचा पर्यावरण विभागाने तातडीने पावले उचलत बृहन्मुंबई पालिका सोडून राज्यातील सर्वच महापालिकांना अध्यादेश पाठविला आहे. यात महापालिका क्षेत्रातील सर्व बांधकाम व्यावसायिकांनी ५० मीटरपेक्षा जास्त बांधकाम प्रकल्पांच्या परिघाभोवती किमान २५ फूट धातूचे पत्रे आणि कॉर्पोरेशन क्षेत्राबाहेर किमान २० फूट उंच टिन/मेटल उभारले जातील याची खात्री करावी, एक एकरापेक्षा जास्त क्षेत्रफळ असलेल्या सर्व बांधकाम ले-आउट्समध्ये बांधकाम साइटच्या परिघाभोवती किमान २५ फूट उंचीची आणि बांधकाम साइट्ससाठी, एक एकरापेक्षा कमी, कथिल/धातूचा पत्रा असावा. उंची किमान २५ फूट असावी. बांधकाम सुरू असलेल्या सर्व इमारतींना चारही बाजूंनी ओल्या हिरव्या ओल्या ताग पत्र्याने, ताडपत्रीने बंदिस्त करावे. पाडण्यात येणारी सर्व संरचना ताडपत्रीने झाकलेली असावी, असे अध्यादेशात म्हटले आहे.

वायुप्रदूषण मॉनिटर्स तैनात
बांधकामाच्या ठिकाणी (स्थिर/मोबाइल अँटी-स्मॉग गनचा वापर) साहित्य लोड आणि अनलोड करताना वॉटर फॉगिंग केले जाईल याची खात्री केली जाईल.  पाणी शिंपडणे भंगार-पृथ्वी साहित्य इत्यादींवर केले जाईल. जे सर्व बांधकाम साइट्सवर हवेतील कण तयार करतात. बांधकाम साहित्य वाहून नेणारी सर्व वाहने पूर्णपणे झाकली जावीत (म्हणजेच वरच्या बाजूने), जेणेकरून बांधकाम साहित्य किंवा मोडतोड हवाई वाहतूक होऊ नये आणि वाहनातून कोणतीही गळती टाळण्यासाठी वाहन ओव्हरलोड केले जाऊ नये. सर्व बांधकाम साइट्सने कामाच्या ठिकाणी सेन्सर-आधारित वायुप्रदूषण मॉनिटर्स तैनात केले पाहिजेत, जे प्रदूषण पातळी मर्यादेपेक्षा जास्त असल्याचे निरीक्षण करण्यासाठी त्वरित कार्य करतात. ही देखरेख मनपा अधिकाऱ्यांना मागणीनुसार तपासणीसाठी उपलब्ध करून देईन.

शहराचे वातावरण स्वच्छ ठेवण्यासाठी आणि शहरातील विकासकामांमुळे हवेचे प्रदूषण रोखण्यासाठी योग्य उपाययोजना न केल्याने प्रदूषण वाढत आहे. यावर अटकाव घालण्यासाठी उपाययोजनांचे, मार्गदर्शक तत्त्वांचे पालन करणे सर्व बांधकाम व्यावसायिकांना बंधनकारक आहे. त्याचे पालन न करणाऱ्यांवर कायदेशीवर कारवाई केली जाईल.
-विजयकुमार मुंडे, उपायुक्त, पर्यावरण विभाग