नाशिक : त्र्यंबकेश्वर येथील निलगिरी पर्वतावर साकारत असलेल्या माता अन्नपूर्णाच्या मंदिराच्या प्राणप्रतिष्ठा व लक्षचंडी महायज्ञ सोहळ्यास रविवारी (दि. 18)कलश शोभा यात्रेने प्रारंभ झाला. सकाळी 9 वाजता नीलपर्वतापासून सुरू झालेली यात्रा त्र्यंबकेश्वरमधील रस्त्यांवर वाजत गाजत कुशावर्तापर्यंत पोहोचली. यात्रेमध्ये सिद्धपीठ श्री अन्नपूर्णा आश्रम चॅरीटेबल ट्रस्टचे महामंडलेश्वर स्वामी विश्वेश्वरानंद गिरी महाराज , महामंडळेश्वर स्वामी सच्चिनानंद गिरी, लक्षचंडी आचार्य कल्याणनंद आचार्य कल्याणदत्त शास्त्री, प्राणप्रतिष्ठा आचार्य बाळासाहेब दिक्षित यांच्यासह देशभरातून आलेले भाविक व यज्ञात सहभागी 100 यजमान दाम्पत्य आणि त्र्यंबकेश्वरमधील नागरिक हजारोच्या संख्येने सहभागी झाले. या कलश यात्रेने अवघी त्र्यंबकेश्वर नागरी भक्तिरसात न्हाऊन निघाली. गणेश पूजन, कलश पूजन, मातृका पूजन व नंतर यज्ञ मंडप प्रवेश आदि पूजाविधी रविवारी संपन्न झाले असून उद्या सकाळी 8 वाजेपासून अरणीमंथन द्वारा अग्नि प्रज्वलित करून लक्षचंडी महायज्ञाची सुरुवात होईल. हा महायज्ञ सोहळा 28 फेब्रुवारीपर्यंत चालणार असून 21 फेब्रुवारी रोजी माता अन्नपूर्णा प्राणप्रतिष्ठा सोहळा संपन्न होणार आहे. जोतिर्लिंग मंदिराचा कलश व माता अन्नपूर्णाचे दर्शन असा अदभूत योग मिळणाऱ्या नील पर्वतावर हे मंदिर 3 एकराच्या परिसरात उभारण्यात आले असून शिवलिंग व अन्नपूर्णा मंदिर एकच ठिकाणी असलेले त्रंबकेश्वर हे देशातील दुसरे ठिकाण आहे. वस्तूकलेचा अद्वितीय नमुना असलेले हे मंदिर पूर्णता: संगमरवरामध्ये साकारण्यात आले आहे. माता अन्नपूर्णा सोबतच माता सरस्वती व माता महाकाली यांच्याही मूर्ती तेथे असून मंदिर परिसरातच भैरवनाथाच्या संगमरवरी मूर्तीची प्रतिष्ठापना होणार आहे. या सोहळ्यासाठी अध्यक्ष सुमित्रा महाजन, मुख्यमंत्री देवेंद्र फडणवीस , पालकमंत्री गिरीश महाजन, सार्वजनिक उपक्रम मंत्री एकनाथ शिंदे व जलसंधारण मंत्री राम शिंदे यांची प्रमुख उपस्थिती राहणार असल्याची माहिती सिद्धपीठ श्री अन्नपूर्णा आश्रम चॅरीटेबल ट्रस्टच्या माता अन्नपूर्णा प्राणप्रतिष्ठा व लक्षचंडी महायज्ञ समितीद्वारे देण्यात आली आहे.
त्र्यंबकेश्वरमध्ये माता अन्नपूर्णा प्राणप्रतिष्ठा सोहळ्यास कलश यात्रेने आरंभ
By लोकमत न्यूज नेटवर्क | Published: February 18, 2018 5:28 PM
त्र्यंबकेश्वर येथील निलगिरी पर्वतावर साकारत असलेल्या माता अन्नपूर्णाच्या मंदिराच्या प्राणप्रतिष्ठा व लक्षचंडी महायज्ञ सोहळ्यास रविवारी (दि. 18)कलश शोभा यात्रेने प्रारंभ झाला.
त्र्यंबकेश्वरमध्ये माता अन्नपूर्णा प्राणप्रतिष्ठा सोहळ्यास कलश यात्रेने आरंभ
ठळक मुद्देअन्नपूर्णा प्राणप्रतिष्ठा सोहळ्यास कलश यात्रेने आरंभनिलगिरी पर्वतावर संगमरवराचे अन्नपूर्णा मंदिर18 ते 28 फेब्रुवारीपर्यंत चालणार लक्षचंडी यज्ञ