गुन्हे शाखेकडून सोळा जणांना अटक लासलगाव : ढोकेश्वर मल्टिस्टेट को-आॅप. सोसायटी ठेवी प्रकरण

येथील ढोकेश्वर मल्टिस्टेट सोसायटीचे अध्यक्ष सतीश काळे यांच्या अटकेनंतर नाशिक येथील आर्थिक गुन्हे शाखेच्या पोलिसांनी चौकशीनंतर सोळा जणांना अटक केली आहे.

ठळक मुद्दे६ डिसेंबरपर्यंत पोलीस कोठडीसतीश काळे मध्यवर्ती कारागृहात

लासलगाव : येथील ढोकेश्वर मल्टिस्टेट सोसायटीचे अध्यक्ष सतीश काळे यांच्या अटकेनंतर नाशिक येथील आर्थिक गुन्हे शाखेच्या पोलिसांनी चौकशीनंतर सोळा जणांना अटक केली आहे. या सोळा जणांना शुक्रवारी निफाड येथील जिल्हा व सत्र न्यायालयाचे न्यायाधीश एस.बी. मोहबे यांनी ६ डिसेंबरपर्यंत पोलीस कोठडी सुनावली.
ढोकेश्वर मल्टिस्टेट सोसायटीचे अध्यक्ष सतीश काळे गेल्या काही महिन्यापासून नाशिक मध्यवर्ती कारागृहात आहेत. या संस्थेच्या संदर्भात पोलीस चौकशी सुरू आहे. आर्थिक गुन्हे शाखेचे पोलीस उपअधीक्षक चंद्रसेन देशमुख यांच्या सहपथकाने गुरुवारी सायंकाळी भाऊसाहेब इंद्रराव शिंदे, रा.देवरगाव, रवींद्र ऊर्फ मनोज जगन्नाथ काळे, विशाल रामचंद बर्वे, रा.चांदवड, गणेश जगताप, सागर सुखलाल चोरडिया, गोरख माणीक महाले, दत्तात्रेय नारायण बोरसे, नवनाथ ऊर्फ बापू रामेश्वर ऊर्फ रामभाऊ होळकर, जगन्नाथ रामभाऊ वैराळ ऊर्फ जगुदादा, ज्ञानेश्वर ऊर्फ नाना श्रीहरी शिंदे, गोरख पुंजाराम कांबळे, अशोक धोंडीराम शिंदे, संजय पोपटराव काळे, भागवत मुरलीधर लोखंडे व मच्छिंद्र भास्कर टोपे, रा.टाकळी, विंचूर यांना अटक केली.