अन्नपाण्याच्या शोधात वन्यजिवांची वस्तीकडे धाव

येवला तालुक्यातील राजापूर येथे अन्न पाण्याच्या शोधार्थ वन्यजीव गावात आलेले आहे. सध्या दुष्काळी परिस्थिती असल्याने वन्यजिवांना डोंगराळ भागात खाण्यासाठी अन्न व पिण्यासाठी पाणी नसल्याने वानर राजापूर गावात अन्न पाण्यासाठी भटकंती करताना दिसते आहे.

राजापूर : येवला तालुक्यातील राजापूर येथे अन्न पाण्याच्या शोधार्थ वन्यजीव गावात आलेले आहे. सध्या दुष्काळी परिस्थिती असल्याने वन्यजिवांना डोंगराळ भागात खाण्यासाठी अन्न व पिण्यासाठी पाणी नसल्याने वानर राजापूर गावात अन्न पाण्यासाठी भटकंती करताना दिसते आहे.दुष्काळी परिस्थितीचा फटका हा सर्वसामान्यापासून ते पशू- पक्ष्यांना तसेच वन्यजिवांना जास्त प्रमाणात बसतो आहे. राजापूर व परिसरात डोंगराळ भाग असल्याने वन्यजीव मोठ्या प्रमाणावर आहे; मात्र त्यांना अन्न-पाणी नसल्याने वानरांनी चक्क गावात या घरावरून त्या घरावर उड्या मारत आपल्या भुकेल्या व तहानलेल्या जिवासाठी गावात भटकंती करीत आहे.गावातील लोक त्यांना खाण्यासाठी भाकरी व पिण्यासाठी पाणी देताना दिसत आहे. उन्हाळ्याच्या झळा तीव्र असल्याने वन्यजीव गावातील घरांवर, झाडांवर मुक्काम करीत आहेत. तसेच मानवी वस्तीवर आपल्या जिवाची तहान भूक भागवित आहे.