नाशिक : राज्य निवडणूक आयोगाने सहा महिन्यांपूर्वी पीडब्ल्यूडी अॅपद्वारे दिव्यांग मतदारांना अर्ज नोंदणीपासून, तर व्हीलचेअरसह इतर सुविधांची मागणी करता येणे शक्य आहे. उमेदवारांच्या माहितीसह बूथची माहिती मिळत असून, तक्रारी नोंदविण्याचीही सुविधा आहे. त्यामुळे दिव्यांगांना हे अॅप आधार ठरले असून, अॅपमुळे मतदानाचे प्रमाण वाढणे शक्य असल्याचे दिव्यांगांचे मत आहे.लोकसभा निवडणुकीत दिव्यांग नागरिकांना सहजतेने मतदानाचा हक्क बजावता यावा म्हणून निवडणूक आयोगाने पीडब्ल्यूडी अॅप कार्यान्वित केले होते. तेच अॅप आता विधानसभेत प्रथमच वापरले जाणार आहे. निवडणूक आयोग सुलभ मतदानांतर्गत दिव्यांग मतदारांना मतदानाच्या दिवशी व्हीलचेअर, स्वयंसेवक, रॅम्प या सुविधा उपलब्ध करून देणार आहे. या सुविधांचा दिव्यांगांना लाभ घेता यावा, म्हणून पीडब्ल्यूडी अॅपचा वापर केला जात आहे.दिव्यांगांनी या अॅपच्या माध्यमातून व्हीलचेअरसाठी नोंदणी करायची आहे. निवडणूक संदर्भात काही तक्र ारी असतील, तर त्यासाठीही या अॅपचा वापर दिव्यांगांना करता येणार आहे. देशभरातील सर्व उमेदवारांची यादी या अॅपवर जाहीर करण्यात आल्याने, आपल्या मतदारसंघातील उमेदवार जाणून घेणे दिव्यांगांना शक्य झाले आहे. या अॅपद्वारे दिव्यांग मतदाराला मतदान प्रक्रियेची माहिती, बूथची माहिती, मतदानासाठीच्या सुविधा उपलब्ध करून देण्यात आल्या आहेत. हे अॅप वापरण्यास अतिशय सुलभ असून, या सुविधेचा मोठ्या प्रमाणावर फायदा होत असल्याचे मत दिव्यांगांनी व्यक्त केले आहे. बूथ शोधण्यासाठी होणारी फरफट या अॅपमुळे टळली असून, मतदानासाठी सोयिस्कररीत्या मतदान केंद्रावर जाणेदेखील शक्य होणार आहे. या अॅपचे ५० हजारांपेक्षा अधिक यूजर्स असून, मतदान प्रक्रि येत दिव्यांगांना सर्व सोयींनी सहभागी करून घेतल्याचा आनंद व्यक्त केला जात आहे. पीडब्ल्यूडी अॅपद्वारे मतदानाचा हक्क बजावणे सोपे झाले आहे. त्यामुळे दिव्यांगांच्या प्रश्नांना येत्या काळात अधिक बळकटी मिळेल.दिव्यांग मतदार राज्यात दोन लाखांवर४राज्यात यंदा दिव्यांग मतदारांची संख्या २ लाख २४ हजार १६२ इतकी आहे. त्यात अंधत्व किंवा कमी दृष्टी असलेले ३७ हजार ३२४, मूकबधिर २४ हजार ७७, शारीरिक अपंगत्व असलेले १ लाख ८ हजार २२ तर इतर अक्षमता असलेले ५४ हजार ३९ दिव्यांग मतदार आहेत. दिव्यांगांना मतदानाकडे आकर्षित करण्यासाठी तसेच त्यांच्यासाठी मतदान प्रक्रि या अधिकाधिक सुलभ व्हावी यासाठी निवडणूक आयोगाने यंदा मोठा पुढाकार घेतला आहे. दिव्यांगांसाठी काम करणाऱ्या स्वयंसेवी संस्था तसेच अपंग कल्याण आयुक्तालय यांचीही याकामी मदत घेण्यात येत आहे. त्यांच्या साहाय्याने यंदा दिव्यांग मतदारांची विशेष नोंदणी मोहीम राबविण्यात आली.मतदान केंद्रापर्यंत मोफत वाहतूक व्यवस्थामतदान केंद्रांवर दिव्यांगांना रांगेशिवाय प्रवेश, संख्या अधिक असल्यास दिव्यांगांसाठी स्वतंत्र रांग, रॅम्प सुविधा, अधिक प्रकाश व्यवस्था, व्हीलचेअर जाऊ शकेल असा मोठा दरवाजा, दिव्यांगांसाठी स्वतंत्र पार्किंग सुविधा उपलब्ध करून दिल्या आहेत. याशिवाय मागणीनुसार मतदान केंद्रापर्यंत मोफत वाहतूक व्यवस्था तसेच व्हीलचेअरची सुविधाही प्रशासनामार्फत उपलब्ध करून दिली जाणार आहे. अॅपप्रमाणेच बहुतांश मतदान केंद्रे तळमजल्यावर आणल्याने मतदान प्रक्रि येत दिव्यांग मतदारांचा टक्कादेखील वाढणार आहे.
दिव्यांगांसाठी ‘पीडब्ल्यूडी अॅप’!
By लोकमत न्यूज नेटवर्क | Updated: October 19, 2019 01:28 IST
राज्य निवडणूक आयोगाने सहा महिन्यांपूर्वी पीडब्ल्यूडी अॅपद्वारे दिव्यांग मतदारांना अर्ज नोंदणीपासून, तर व्हीलचेअरसह इतर सुविधांची मागणी करता येणे शक्य आहे. उमेदवारांच्या माहितीसह बूथची माहिती मिळत असून, तक्रारी नोंदविण्याचीही सुविधा आहे. त्यामुळे दिव्यांगांना हे अॅप आधार ठरले असून, अॅपमुळे मतदानाचे प्रमाण वाढणे शक्य असल्याचे दिव्यांगांचे मत आहे.
दिव्यांगांसाठी ‘पीडब्ल्यूडी अॅप’!
ठळक मुद्देमतांचा टक्का वाढणार : व्हीलचेअरसह मिळणार अन्य सुविधा