दिंडोरी रोडवर ट्रक्टरच्या धडकेत पोलीस जखमी

ट्रक्टर चालकाविरोधात म्हसरूळ पोलीस ठाण्यात गुन्हा दाखल करण्यात आला आहे. अधिक तपास सहायक पोलीस निरिक्षक जाधव करत आहेत.

ठळक मुद्देगळफास घेऊन एकाची आत्महत्या युवकावर चाकूहल्ला    

नाशिक : भरधाव ट्रक्टरने दिेलेल्या धडकेत कर्तव्यावर असलेले पोलीस सेवक जखमी झाल्याची घटना शुक्रवारी (दि.8) दुपारी दिंडोरीरोडवर म्हसरूळ जवळ घडली.

पुंडलिक पांडुरंग बागुल (35,राा. प्रभातनगर, म्हसरूळ, नेमणुक मुंबईनाका पोलीस ठाणे) हे या घटनेत जखमी झाले आहेत. त्यांनी दिलेल्या तक्रारीनुसार शुक्रवारी दुपारी चार वाजेच्या सुमारास ते कर्तव्यावरून घरी जात असताना दिंडोरी रोडवर म्हसरूळमधील धर्मानंद अपार्टमेंट समोर भरधाव ट्रक्टरच्या (एमएच 04, इबी 427 ) चालकाने त्यांच्या दुचाकीला जोराची धडक दिली. यामध्ये बागुल जखमी झाले आहेत. या प्रकरणी ट्रक्टर चालकाविरोधात म्हसरूळ पोलीस ठाण्यात गुन्हा दाखल करण्यात आला आहे. अधिक तपास सहायक पोलीस निरिक्षक जाधव करत आहेत.

गळफास घेऊन एकाची आत्महत्या

नाशिक : राहत्या घरी गळफास घेऊन एकाने आत्महत्या केल्याची घटना शुक्रवारी एकलहरा कॉलनी परिसरात घडली. सचिन संदेश सातारकर (38, रा. एकलहार कॉलनी) असे आत्महत्या करणार्‍या व्यक्तीचे नाव आहे. पोलीसांनी दिलेल्या माहितीनुसार सातारकर यांनी राहते घरातील सिलिंग फॅनला दोरीच्या सहाय्याने गळफास घेऊन आत्महत्या केली. या प्रकरणी नाशिकरोड पोलीस ठाण्यात आकस्मात मृत्यूची नोंद करण्यात आली आहे.

वाहनाने दिलेल्या धडकेत महिलेचा मृत्यू

नाशिक : भरधाव अज्ञात वाहनाने दिलेल्या धडकेत महिलेचा मृत्यू झाल्याची घटना शुक्रवारी (दि.8) सायंकाळी पंचवटीतील शरदचंद्र पवार मार्केट यार्ड परिसरात घडली. राहिबाई बंडु रनमाळे (40, रा.हमालवाडी, पेठरोड, पंचवटी) असे या घटनेत मृत्यू झालेल्या महिलेचे नाव आहे. पोलीसांनी दिलेल्या माहितीनुसार  शुक्रवारी रात्री आठ वाजेच्या सुमारास राहिबाई या शरदचंद्र मार्केट यार्ड येथे रस्ता ओलांडत असताना भरधाव अज्ञात वाहनाने त्यांना धडक दिली. यामध्ये त्या गंभीर जखमी झाल्या. यात त्यांचा मृत्यू झाला. याप्रकरणी पंचवटी पोलीस ठाण्यात गुन्हा दाखल करण्यात आला आहे. 

युवकावर चाकूहल्ला    

नाशिक : मोटारसायकल दिली नाही. म्हणुन तीघांनी एकासबेदम मारहाण ककरून चाकूने वार केल्याची घटना शुक्रवारी (दि.8) सायंकाळी टाकळीरोड परिसरातील पंचशीलनगर येथे घडली. प्रेम सुधाकर पवार, अनिकेत पगारे, आकाश दाणी अशी मारहाण करणार्‍या संशयितांची नावे आहेत. या प्रकरणी गणेश जगदिश भालेराव (22, समतानगर, टाकळीरोड) यांनी तक्रार दाखल केली आहे. त्यानुसार शुक्रवारी सायंकाळी भालेराव हा मित्रांसमावेत गप्पा मारत असताना तेथे आलेल्या संशयितांनी त्यांना मोटारासायकल दिली नाही. अशी कुरापत काढून त्यास बेदम मारहाण केली. तसेच चाकूने वार केले. या प्रकरणी उपनगर पोलीस ठाण्यात गुन्हा दाखल करण्यात आला आहे.