Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

दरवर्षी मोठ्या दिमाखात पार पडणारा एव्हिएशन विंग प्रदान दीक्षांत सोहळ्याचा यंदा कोरोनाच्या प्रादुर्भावामुळे लष्करी थाट कमी स्वरूपात अनुभवयास आला. यावेळी चित्ता, चेतक, ध्रुवच्या प्रात्यक्षिकेही रद्द करण्यात आली होती, तसेच सैनिकी बॅन्ड पथकाची धूनही यंदा कानी पडली नाही. सकाळी पुणे महामार्गावरील गांधीनगर येथील एअरफिल्ड मैदानावर ३३ वैमानिकांच्या तुकडीने सोहळ्याला उपस्थित असलेले जनरल आर्मी एव्हिएशनचे ऑफिशिएटिंग संचालक मेजर जनरल अजयकुमार सुरी यांना ‘सॅल्यूट’ केला. या सोहळ्याचे अध्यक्षस्थान सुरी यांनी भूषविले. एका खास आकर्षक बग्गीतून सुरी यांचे एअरफील्ड मैदानावर आगमन झाले. अजयकुमार सुरी हे खास बग्गीतून एअरफील्ड मैदानावर दाखल झाले. दरम्यान, त्यांच्या हस्ते उपस्थित प्रशिक्षणार्थी वैमानिकांना प्रशस्तिपत्रक, विंग देऊन, तसेच पाच विजेत्यांना विविध स्मृतिचषक प्रदान करत गौरविण्यात आले.दरम्यान, युवा लढाऊ वैमानिकांचे अभिनंदन करत, त्यांच्या भावी वाटचालीस शुभेच्छा देत सुरी म्हणाले, ज्ञान आणि कौशल्य हे कुठल्याही ऑपरेशनच्या वेळी वैमानिकासाठी महत्त्वाचे ठरते. कौशल्याचा जोरावर तंत्रज्ञानाचा अचूक वापर जेव्हा केला जातो, तेव्हा तुम्ही यशाला गवसणी घालतात. युद्धभूमीवर आपली भूमिका फार महत्त्वाची असते. भूदलावरील सैनिकांना अत्यावश्यक रसद पुरविण्यापासून आपत्कालीन रेस्क्यूपर्यंत सर्व कामगिरी एका लढाऊ वैमानिकाला चोखपणे पार पाडावी लागते, असा गुरुमंत्रही सुरी यांनी यावेळी आपल्या संदेशात नववैमानिकांना दिला.---इन्फो--...हे वैमानिक ठरले विजेतेतुकडीमधील कॅप्टन संतोषकुमार सोरापल्ली यांनी प्रशिक्षण कालावधीत सर्व श्रेणीत विशेष प्रावीण्य मिळविल्याने त्यांना मानाची ‘सिल्वर चित्ता’ ट्रॉफी देऊन गौरविण्यात आले, तसेच कॅप्टन तारीफ सिंग हे उत्कृष्ट उड्डाणाकरिता दिली जाणारी ‘कॅप्टन एस.के.शर्मा’ स्मृतिचषकाचे मानकरी ठरले. कॅप्टन प्रभू देवन यांनी ‘एअर ऑब्जर्वेशन पोस्ट-३५’ट्रॉफी पटकाविली. कॅप्टन सचिन गुलीया यांना फ्लेजिंग ट्रॉफी देऊन सन्मानित केले गेले. कॅप्टन दिवाकर ब्रह्मचारी यांनी उत्कृष्ट गनरचा किताब प्राप्त करत, पी.के.गौर चषकावर आपले नाव कोरले.---इन्फो--‘कॅट्स’ला ‘प्रेसिडेन्ट कलर्स’चा बहुमानलढाऊ हेलिकॉप्टर उड्डाणाच्या वैमानिकांच्या प्रशिक्षणाचा कालावधी हा एकूण १३ महिन्यांचा असतो. ‘कॅट्स’ संस्थेची स्थापना १९८६साली करण्यात आली. शिमला येथील आर्मी ट्रेनिंग कमांडच्या (एआरटीआरएसी) अधिपत्याखाली या संस्थेची यशस्वी घोडदौड ३४ वर्षांपासून सुरू आहे. भारतीय सेनेचा पाठीचा कणा म्हणून ही संस्था ओळखली जाते. म्हणूनच या केंद्राला राष्ट्रपती रामनाथ कोविंद यांच्या हस्ते मागील वर्षी ‘प्रेसिडेन्ट कलर्स’ हा बहुमान प्रदान करण्यात आला होता.

Nashik (Marathi News)

नाशिक : जिल्ह्यात सोमवारी (दि. २८) एकूण २१६ रुग्ण कोरोनाबाधित आढळले असून, त्या तुलनेत दुपटीहून अधिक म्हणजे ४९७ ... ...