नाशिक : मुंबई महामार्गावरील वाडीव-हे शिवारात ट्रक व टेम्पोमधील अपघातातानंतर दोन्ही वाहने उलटल्याने जळगाव जिल्ह्याच्या भडगाव तालुक्यातील पाचोरा येथील दोघे गंभीर जखमी झाल्याची घटना रविवारी (दि़१८) पहाटे घडली़ जेलिम शेख गनी (४५), अजीम शेख कलीम (२२) अशी जखमींची नावे असून त्यांच्यावर नाशिकच्या जिल्हा शासकीय रुग्णालयात उपचार सुरू आहेत़
वाडीव-हे पोलिसांनी दिलेल्या माहितीनुसार रविवारी पहाटेच्या सुमारास वाडीव-हे शिवारातील गतीरोधकाजवळ मुंबईला धान्य घेऊन जाणाऱ्या ट्रकने (एम ०९, एचएच २०८९) समोरील टेम्पोला (एमएच ०४, बीव्ही ४८५२) ला पाठिमागून धडक दिली़ यामुळे टेम्पो महामार्गावर तर ट्रक महामार्गावरून खाली उतरून उलटला़ यामध्ये पाचोरा येथील जेलिम गनी व अजीम कलीम हे दोघे गंभीर जखमी झाले़ तर शोहन शेख कलीम (२२) हा किरकोळ जखमी झाला़
या अपघातानंतर नरेंद्राचार्य संस्थान रुग्णवाहिकेचे चालक निवृत्ती पाटील यांनी तत्काळ जखमींना उपचारासाठी नाशिक जिल्हा रुग्णालयात दाखल केले़ दरम्यान, या अपघाताची वाडीव-हे पोलीस ठाण्यात नोंद करण्यात आली आहे़