Nashik: शिंदेंचा घाव, ठाकरेंच्या शिवसेनेला पडलं भगदाड! उरले फक्त नऊ माजी नगरसेवक

राज्यात महापालिका निवडणुकांची लगबग सुरू झाली आहे. नाशिक महापालिका निवडणुकीच्या पार्श्वभूमीवर राजकारण तापले असून, एकनाथ शिंदेंनी ठाकरेंच्या शिवसेनेवर आणखी एक घाव केला.

Shiv Sena News: नाशिकमधील राजकारणाच्या दृष्टीने मंगळवारी महत्त्वाच्या घडामोडी घडल्या. एकाच वेळी अनेक माजी नगरसेवकांनी ठाकरेंची साथ सोडून भाजप आणि शिंदेंच्या शिवसेनेत प्रवेश केला. त्यामुळे ठाकरेंच्या शिवसेनेला मोठे भगदाड पडले. २०१७ मध्ये ३३ नगरसेवक निवडून आणलेल्या ठाकरेंकडे आता ९ माजी नगरसेवक शिल्लक असून, निवडणुकीपर्यंत त्यातील किती राहतील, असाही प्रश्न आता चर्चिला जात आहे.

लोकमत'चं WhatsApp चॅनल फॉलो करा!

राजकीय घडामोडींनी मंगळवारचा (१७ जून) दिवस गाजला. एकीकडे भाजपात एक डड़ान माजी नगरसेवकांनी प्रवेश केला असताना दुसरीकडे शिंदेसेनेतही इनकमिंग झाले. 

वाचा >>'मनसेसोबत युती केली तरच फायदा होईल'; उद्धव ठाकरेंच्या बैठकीत राज ठाकरेंसोबत जाण्याचा 'सूर'

उद्धव ठाकरेंच्या शिवसेनेच्या माजी नगरसेविका किरण बाळा दराडे-गामणे, सीमा गोकुळ निगळ, यांच्यासह माजी नगरसेवक पुजाराम गामणे, पुंडलिक अरिंगळे यांनी शेकडो पदाधिकाऱ्यांसोबत शिंदेसेनेत प्रवेश केला. 

महापालिका निवडणुकीमुळे पक्षांतराचे वारे

शिवसेना दुभंगल्यानंतर अनेक माजी नगरसेवक शिंदेसेनेत दाखल झाले होते. मात्र, मध्यंतरी त्याला ब्रेक लागला होता. आता, महापालिका निवडणुका घोषित झाल्यानंतर पुन्हा एकदा प्रवेशाला वेग आला आहे. भाजपाकडे मंगळवारी गाजावाजा करीत पक्ष प्रवेश सुरू असताना शिंदेसेनेत देखील चार माजी नगरसेवकांचे प्रवेश झाले आहेत.

उद्धव ठाकरेंच्या शिवसेनेकडे उरले नऊ माजी नगरसेवक

२०१७ महापालिकेच्या नेत्वडणुकीत शिवसेनेचे ३५ नगरसेवक, तर भाजपाचे ६६ नगरसेवक निवडून आले होते.

शिवसेनेत फूट पडल्यानंतर उद्धवसेनेतील ३५ पैकी १९ नगरसेवक शिंदेसेनेत, तर ४ नगरसेवकांनी भाजपात प्रवेश केला आहे. ३ माजी नगरसेवकांचा मृत्यू झाला आहे.

त्यामुळे उद्धवसेनेत आता फक्त माजी ९ नगरसेवक शिल्लक असून येणाऱ्या काळात यातील बहुतांश नगरसेवक हे शिवसेनेत सामील होतील, असा दावा उपनेते अजय बोरस्ते यांनी केला आहे.