नाशिक : महाराष्ट पर्यटन विकास महामंडळ व नाशिक व्हॅली वाईन क्लस्टर यांच्या संयुक्त विद्यमाने नाशिकमध्ये फेब्रुवारीपासून (दि.९) ‘इंडिया ग्रेप हार्वेस्ट-२०१८’ सुरू आहे. येत्या रविवारी (दि.११) ग्रेप हार्वेस्टचा समारोप होणार आहे. अखेरच्या टप्प्यात अंजनेरी रस्त्यावरील एका ग्रेप काउण्टी इको-रिसॉर्टमध्ये ‘शेतकरी बाजार’ भरविण्यात आला आहे. याअंतर्गत सुमारे चाळीस स्टॉल्स् शेतक-यांना उपलब्ध करुन देण्यात आले आहे.नाशिक ही देशाची ‘वाईन कॅपिटल’म्हणून ओळखली जाते. भारतातील एकूण वाइनरींच्या तुलनेत निम्म्यापेक्षा अधिक २३ वाइनरी नाशिक जिल्ह्यात सध्या सुरू आहे. नाशिकमध्ये होणारे दर्जेदार द्राक्षांचे उत्पादन हे यामागील प्रमुख कारण आहे.
या बाजारामध्ये शेतक-यांचा शेतमाल थेट ग्राहकांपर्यंत उपलब्ध करुन देण्यात आला आहे. त्याचबरोबर विविध गझलांची सुगम संगीताची मैफलीचाही आनंद यावेळी आलेल्या नाशिककरांनी लुटला. दरम्यान, या महोत्सवांतर्गत सुरगाणा तालुक्यातील शेतमजूर- द्राक्षबाग कामाारांसोबत सांस्कृतिक कार्यक्रम या महोत्सवादरम्यान घेण्यात आला.