मुल्हेरच्या सोनवणेंचा पंतप्रधानांच्या हस्ते गौरव

‘एक्सलन्स इन पी.एच.डी रिसर्च’ या पुरस्काराने सन्मानित

ठळक मुद्देडॉ.सोनवणे यांनी सूक्ष्मजीवशास्त्र ,अभियांत्रिकी व रसायन शास्त्रात डॉक्टरेट मिळविली आहे

सटाणा : तालुक्यातील मुल्हेर येथील रहिवाशी डॉ.जयेश सोनवणे यांना देशाचे पंतप्रधान नरेंद्र मोदी यांच्या हस्ते ‘एक्सलन्स इन पी.एच.डी रिसर्च’ या पुरस्काराने सन्मानित करण्यात आले आहे.
मुंबई येथील आयआयटी पवई या संस्थेच्या हीरक महोत्सव सोहळ्यात डॉ.सोनवणे यांना गौरविण्यात आले. डॉ.सोनवणे यांनी सूक्ष्मजीवशास्त्र ,अभियांत्रिकी व रसायन शास्त्रात डॉक्टरेट मिळविली आहे. या अभ्यासक्र मादरम्यान संशोधन क्षेत्रात त्यांनी उल्लेखनीय कार्य केले आहे. पुढील महिन्यापासून टोरांटो विद्यापीठात संशोधक म्हणून ते पदभार सांभाळणार आहेत. मुल्हेर येथील व्यापारी मनोहर चिंतामण सोनवणे यांचे ते चिरंजीव आहेत.