एकतर्फी प्रेमातून मुलीचा विनयभंग

एकतर्फी प्रेमामधून संशयित मंगेश दशरथ वाटोरे याने एका अल्पवयीन मुलीचा विनयभंग केल्याची घटना उघडकीस आली आहे. याबाबत संशयित मंगेशविरुद्ध अंबड पोलिसांनी विनयभंग व पोक्सोअंतर्गत गुन्हा दाखल केला आहे.

नाशिक : एकतर्फी प्रेमामधून संशयित मंगेश दशरथ वाटोरे याने एका अल्पवयीन मुलीचा विनयभंग केल्याची घटना उघडकीस आली आहे. याबाबत संशयित मंगेशविरुद्ध अंबड पोलिसांनी विनयभंग व पोक्सोअंतर्गत गुन्हा दाखल केला आहे. याबाबत पोलिसांनी दिलेली माहिती अशी, मंगेश हा पीडित युवतीचा पाठलाग करून बळजबरीने प्रेमासाठी होकार मागत होता. तसेच भावासह आई-वडिलांना जिवे ठार मारण्याची धमकीही त्याने दिल्याचे पीडितेने फिर्यादीत म्हटले आहे. फिर्यादीवरून पोलिसांनी चुंचाळे गावातील मंगेश याच्याविरुद्ध गुन्हा दाखल केला आहे.