थंडीचा प्रचंड जोर : पारा ७.९ अंशापर्यंत घसरला; नीचांकी नोंद

एका दिवसात तीन अंशांनी घट होण्याची ही या हंगामातील पहिलीच वेळ आहे. मागील वर्षाच्या नीचांकी तपमानाचा विक्रम यावर्षी लवकरच मोडित निघण्याची चिन्हे दिसू लागली आहेत.

ठळक मुद्दे ७.९ ही हंगामातील सर्वाधिक नीचांकी नोंद ठरली.राज्यात सर्वाधिक थंडीचा जोर नाशिकमधील निफाड तालुक्यात.निफाड तालुक्यात किमान तपमान बुधवारी ६.६

नाशिक : आठवडाभरापासून शहराच्या किमान तपमानाचा पारा घसरण्यास सुरूवात झाली. पारा सुरूवातीला हळुहळु घसरू लागला; मात्र चार ते पाच दिवसांपासून झपाट्याने घसरण होऊ लागल्याने नाशकात थंडीचा जोर प्रचंड वाढला आहे. बुधवारी (दि.१९) पारा अचानकपणे ९.५ अंशावरून थेट ७.९ अंशापर्यंत खाली घसरला. एका दिवसात तीन अंशांनी घट होण्याची ही या हंगामातील पहिलीच वेळ आहे. मागील वर्षाच्या नीचांकी तपमानाचा विक्रम यावर्षी लवकरच मोडित निघण्याची चिन्हे दिसू लागली आहेत. गेल्या वर्षी डिसेंबरच्या २९ तारखेला ७.५ अंश इतके किमान तपमान नोंदविले गेले होते. ७.९ ही हंगामातील सर्वाधिक नीचांकी नोंद ठरली.
गेल्या सोमवारी (दि.१७) किमान तपमानाचा पारा ८.५अंशापर्यंत घसरला. या हंगामातील ही नोंद नीचांकी ठरली. आठवडाभरापासून नाशिककर वाढत्या थंडीने गारठले असून तपमानाचा पारा सातत्याने दहा अंशाच्या जवळपास स्थिरावत होता; मात्र सोमवारपासून पारा अधिक वेगाने खाली येऊ लागल्याने थंडीची तीव्रता अधिकच वाढली आहे. उत्तर भारतात थंडीची लाट पसरल्यानंतर उत्तर महाराष्टÑदेखील थंडीने प्रभावित झालेला पहावयास मिळत आहे. सोमवारपासून पारा झपाट्याने खाली आल्याने नाशिककर गारठले आहे. दिवसभर नागरिकांना बोचऱ्या थंड वाºयाचा सामना करावा लागत आहे. त्यामुळे नागरिक दिवसभर ऊबदार कपडे परिधान करुन बोचºया वाºयापासून बचाव करण्याचा प्रयत्न करत आहे. थंडीचा कडाका वाढताच शहरात सर्दी-पडशासह, तापाचे रुग्णही वाढले आहेत. एकूणच वाढत्या थंडीचा नागरिकांच्या आरोग्यावरही परिणाम होताना दिसून येत आहे. हाडं गोठविणारी थंडी सध्या नाशिककर अनुभवत आहेत. बुधवारी तर थंडीने कहरच केला. मंगळवारी रात्रीपासूनच थंड वारे अधिक वेगाने वाहण्यास सुरूवात झाल्यामुळे बुधवारी पहाटे थंडीने हाहाकार उडवून दिला. पारा थेट ७.९अंशापर्यंत खाली घसरला. वाढत्या थंडीच्या कडाक्याने बुधवारी सकाळी जॉगिंगट्रॅकवरील गर्र्दी ओसरल्याचे चित्र होते तर अनेकांनी जीमला ही दांडी मारली. सकाळच्या सत्रातील शाळांमध्ये पटसंख्याही कमी जाणवली. सकाळी चिमुकल्यांनी थंडीच्या कडाक्यामुळे शाळा, क्लासला जाण्यासाठी कंटाळा करत दांडी मारण्याकडे कल दिला. तर काही पालकांनी आपल्या चिमुकल्यांना थंडीपासून संरक्षणासाठी संपुर्णत: उबदार कपड्यांचे कवच घालून शाळेत पाठविले.
---राज्यातील ही शहरे गारठली
राज्यात सर्वाधिक कमी किमान तपमान बुधवारी अहमदनगरमध्ये ७.२ अंश इतके नोंदविले गेले. नाशिक -७.९-निफाड-६.६, जळगाव ९.४, पूणे -९.३, नागपूर- ९.६, महाबळेश्वर- १०.१, सातारा १३.२ या शहरांमध्ये थंडीने कहर केला असून नागरिक गारठले आहेत. राज्यात अहमदनगर हे सर्वाधिक थंड असलेले शहर ठरले तर नाशिक दुस-या क्रमांकावर आहे. नाशिकमधील निफाड तालुक्यातील हवामान केंद्राने ६.६ इतके किमान तपमान सकाळी मोजल्यामुळे राज्यात सर्वाधिक थंडीचा जोर नाशिकमधील निफाड तालुक्यात असल्याचे स्पष्ट होते.
---
नाशिकचे आठवडाभरातील किमान तपमान असे
बुधवारी (दि.१२) - ९.६
गुरूवारी (दि.१३) - ११.०
शुक्रवारी (दि.१४) - १०.४
शनिवारी (दि.१५) - १०.६
रविवार (दि.१६) - १०.५
सोमवार (दि.१७) - ८.५
मंगळवार (दि.१८) - ९.५
बुधवार (दि.१९)- ७.९