Ashok Kharat Latest News : हायप्रोफाइल ज्योतिषी व स्वयंघोषित कॅप्टन अशोक खरात याच्याविरोधात महिला अत्याचार व जादूटोण्याचा गुन्हा दाखल होऊन अटक झाल्यानंतर आता खरात याच्या कारनाम्यांची चर्चा सिन्नर तालुक्यात रंगू लागली आहे. दरम्यान, बुधवारी (१८ मार्च) रात्री क्राईम ब्रँचने मिरगाव येथील खरातच्या बंगल्यावर झडती घेतल्याचे समजते.
मूळ सिन्नर तालुक्यातील कहांडळवाडी येथील असलेल्या खरात याच्या शिक्षणापासून ते स्वयंघोषित कॅप्टन पदापर्यंतच्या वेगवेगळ्या चर्चा परिसरात सुरू आहे.
सुमारे १७ ते १८ वर्षांपूर्वी मिरगाव शिवारात जागा घेऊन या ठिकाणी बांधण्यात आलेले ईशान्येश्वर मंदिर, मंदिर परिसराचा वाढलेला विस्तार आणि मंदिराच्या पाठीमागील बाजूला बांधलेला आलिशान दगडी चिरेबंदी बंगला, याच परिसरात वाढलेला शेतीचा विस्तार याबाबतच्या विविध चर्चाना उधाण आले होते.
महागड्या गाड्या, आलिशान बंगले, विविध ठिकाणी खरेदी केलेल्या जमिनी व प्लॉट याबाबतही तर्कवितर्क लढवले गेले.
बंगल्यावर मजुरांचा राबता
बुधवारी रात्री नाशिक क्राईम ब्रँचच्या पोलिसांनी मिरगाव शिवारातील बंगल्यावर येऊन काही साहित्य ताब्यात घेतल्याचे समजते. या बंगल्यावर गुरुवारी दिवसभर कामाला असलेल्या मजुरांचा राबता दिसून आला.
बंगल्यावर गुढीपाडव्यानिमित्त गुढी उभारल्याचेही दिसून आले. मिरगाव येथील मंदिर भाविकांना दर्शनासाठी उघडे होते. किरकोळ प्रमाणात भाविकांची दर्शनासाठी या ठिकाणी वर्दळ सुरू होती.
Web Summary : Following Ashok Kharat's arrest for alleged abuse and black magic, his Mirgaon bungalow was searched. Built near a temple 18 years ago, the lavish property and land acquisitions are now under scrutiny. Despite the investigation, a Gudi was erected, and the temple remained open to devotees.
Web Summary : अशोक खरात की गिरफ्तारी के बाद, महिला अत्याचार और जादू-टोने के आरोप में, उनके मिरगाँव स्थित बंगले की तलाशी ली गई। 18 साल पहले मंदिर के पास बने इस आलीशान बंगले और जमीन की खरीद-फरोख्त की जाँच हो रही है। जाँच के बावजूद, गुड़ी लगाई गई और मंदिर भक्तों के लिए खुला रहा।