वडाळीभोई येथे वीजचोरीविरोधात धडक कारवाई

चांदवड तालुक्यातील वडाळीभोई परिसरात वीज वितरण कंपनीच्या वतीने वीजचोरीप्रकरणी धडक कारवाई करण्यात आली.

शिंदे विद्युत वाहिनीवर सातत्याने दाब वाढत असल्यामुळे व रोहित्र जळण्याचे प्रमाण वाढल्यामुळे महावितरणतर्फे वीजचोरांविरुद्ध धडक कारवाई करण्यात आली. महावितरण नाशिक परिमंडलाचे मुख्य अभियंता ब्रिजपालसिंग जनवीर, अधीक्षक अभियंता प्रवीण दरोळी, चांदवड विभागाचे कार्यकारी अभियंता मधुसूदन वाढे व उपकार्यकारी अभियंता नीलेश नागरे यांच्या मार्गदर्शनाखाली वडाळीभोई ग्रामीण -२ कक्षाचे सहाय्यक अभियंता रणजित नायर, जनमित्र अमोल काळे, विष्णू रकिबे, विक्र म चव्हाण यांनी एक पथक बनवून शिंदे गावात पांडुरंग वस्ती येथे छापे मारले व अनधिकृत शेगडी, हीटर व हीटर कॉइल जप्त केले. दरम्यान, सहा हिटर जप्त करून वीजचोरांविरुद्ध कारवाई केली व गावात वीजचोरीविरु द्ध प्रबोधन करण्यात आले.