येवला तालुक्यातील ११५ गावांना कोरोनाची बाधा

तालुक्यात ८९ ग्रामपंचायती असून, ग्रामपंचायतनिहाय विचार केला तर सर्वच ग्रामपंचायती बाधित असल्याचे दिसते. तालुक्यातील न्याहरखेडा खुर्द, कौटखेडा, दहेगाव धूळ, तांदुळवाडी, महालगाव, वसंतनगर, पिंपळखुटे खुर्द, देवदरी, पन्हाळसाठे ही ९ गावे कोरोनाच्या प्रकोपासून मात्र सुरक्षित राहिली आहेत. तर येवला शहरातील कोरोना संसर्गाची लाट मात्र आता ओसरल्याचे दिवसेंदिवस कमी होत चाललेल्या बाधित रुग्णसंख्येवरून दिसून येत आहे. या लाटेत आत्तापर्यंत शहरातील २८, तर ग्रामीण भागातील ३०१ बाधितांचा बळी गेला आहे.

तालुक्यातील अंदरसूल, मुखेड, नगरसूल, पाटोदा, राजापूर, जळगाव नेऊर या प्रमुख गावांसह आडगाव चोथवा, आडगाव रेपाळ, आडसुरेगाव, आंबेगाव, अंगणगाव, अंगुलगाव, अनकाई, अनकुटे, सावखेडा, भारम, बाभूळगाव खुर्द, बाभूळगाव बुद्रुक, बाळापूर, कासारखेडे, वडगाव, बल्हेगाव, बोकटे, धानोरे, अंतरवेली, भाटगाव, भिंगारे, महालखेडा पाटोदा, महालखेडा चांदवड, भुलेगाव, चांदगाव, बदापूर, चिचोंडी, रायते, चिचोंडी बुद्रुक, भायखेडा, देवठाण, देशमाने बुद्रुक, देशमाने खुर्द, धामणगाव, धामोडे, देवरगाव, एरंडगाव बुद्रुक, गारखेडा, गवंडगाव, गणेशपूर, आहेरवाडी, जायदरे, लहित, हडपसावरगाव, कातरणी, खरवंडी, खिर्डीसाठे, कोटमगाव बुद्रुक, कोटमगाव खुर्द, कुसमाडी, कोळम खुर्द, खैरगव्हाण, भारम, कुसूर, ममदापूर, मानोरी, गोल्हेवाडी, मातुलठाण, मुरमी, नागडे, नायगव्हाण, नेऊरगाव, निळखेडे, निमगाव मढ, नांदूर, नांदेसर, पारेगाव, दहेगाव पाटोदा, पिंपळखुटे बुद्रुक, डोंगरगाव, पन्हाळसाठे, पिंपळखुटे तिसरे, पिंप्री, पिंपळगाव जलाल, पिंपळगाव लेप, पांजरवाडी, पुरणगाव, न्याहरखेडे बुद्रुक, रेंडाळे, साताळी, सातारे, सत्यगाव, सावरगाव, सायगाव, शिरसगाव लौकी, वळदगाव, जायदरे, सोमठाणदेश, सुरेगाव रस्ता, तळवाडे, विखरणी, विसापूर, वाईबोथी, कोळगाव, धुळगाव, कानडी, दुगलगाव, शेवगे, एरंडगाव खुर्द, रहाडी, ठाणगाव, खामगाव, गुजरखेडा, धनकवाडी, वाघाळे, जऊळके, देवळाणे, साबरवाडी या गावांमध्ये कोरोनाच्या दुसर्‍या लाटेत रुग्ण बाधित आढळून आले आहेत.

अपुरी साधनसुविधा, औषध, लस, ऑक्सिजनचा तुटवडा याबाबी कोरोनाच्या दुसर्‍या लाटेतही परिपूर्ण नाहीत. परिणामी कोरोना रोखण्यात प्रशासनाची दमछाक होते आहे.

इन्फो

...ही आहेत हॉटस्पॉट गावे

ग्रामीण भागातील नगरसूल, मुखेड, सायगाव, ममदापूर, निमगाव मढ ही गावे सद्य:स्थितीत कोरोना हॉटस्पॉट ठरली आहेत. ग्रामीण भागातील वाढती रुग्णसंख्या आणि कोरोनाबळींचे प्रमाणही वाढते असल्याने प्रशासनाने ग्रामीण भागावर गांभीर्याने लक्ष केंद्रित करण्याची गरज निर्माण झाली आहे. कोरोना प्रतिबंधक लसींचा तुटवडा जाणवत असून, लसीकरण केंद्रांवर लस मिळवण्यासाठी होणारी गर्दी संसर्गाला तर कारणीभूत ठरत नसावी, असा प्रश्‍न निर्माण होत आहे. लस मिळवताना सुरक्षित अंतर पाळले जात नसल्याचे नेहमीच दिसून येते.

फोटो- ०६ येवला लसीकरण

येवला उपजिल्हा रुग्णालय लसीकरण केंद्रावरील गर्दी.

===Photopath===

060521\06nsk_28_06052021_13.jpg

===Caption===

 फोटो- ०६ येवला लसीकरण येवला उपजिल्हा रूग्णालय लसीकरण केंद्रावरील गर्दी.