पीककर्ज वाढविण्यासाठी प्रयत्न करा

लोकमत न्यूज नेटवर्कनंदुरबार : जिल्ह्यातील प्रत्येक बँक शाखेच्या व्यवस्थापकांनी पीक कर्ज वाटपाचे प्रमाण वाढविण्यासाठी विशेष प्रयत्न करावे आणि २२ जून रोजी आयोजित मेळाव्यात शेतकऱ्यांना अर्ज भरण्यासाठी सहकार्य करावे, असे आवाहन जिल्हाधिकारी डॉ.राजेंद्र भारुड यांनी केले.जिल्हाधिकारी कार्यालयात गुरुवारी जिल्हास्तरीय समन्वय समितीची बैठक झाली. बैठकीला जिल्हा अग्रणी बँक व्यवस्थापक जयंत देशपांडे, नाबार्डचे प्रमोद पाटील, जिल्हा सहकार उपनिबंधक अशोक चाळक आदी उपस्थित होते.जिल्हाधिकारी डॉ.भारुड म्हणाले, बँकांनी प्रधानमंत्री गरीब कल्याण योजना, पीएम किसान योजना आणि पीक कर्जाच्या लाभार्थींना संवेदनशीलतेने त्या योजनांचा लाभ देऊन संकटाच्या स्थितीत दिलासा देण्याचा प्रयत्न करावा. महात्मा जोतीबा फुले कर्जमुक्ती योजनेचा लाभ देण्यासाठी आधार प्रमाणिकरणाचे काम सुरू करण्याच्या सूचना प्राप्त झाल्या असल्याने या कामाला वेग द्यावा. पीएम किसान योजनेच्या लाभार्थींनी कर्जासाठी अर्ज केल्यास कर्ज देणे बंधनकारक आहे. शेतकऱ्यांना सोयीचे व्हावे यासाठी बँकेच्या दर्शनी भागावर कर्ज प्रक्रियांची माहिती प्रदर्शित करावी. शासनाच्या विविध योजनांच्या प्रस्तावाना मंजुरी देण्याचे प्रमाण वाढविण्यासाठी आवश्यक उपाय योजावेत आणि पारदर्शकपणे कामकाजावर भर द्यावा, असे त्यांनी सांगितले. धडगाव, अक्कलकुवा आणि मोलगी भागात बँक सेवा देण्यासाठी प्रयत्न करावे. पीक कर्ज वाटपात उद्दिष्ट पूर्ण करणाºया बँक शाखा व्यवस्थापकाचा सत्कार करण्यात येईल, असेही ते म्हणाले. पीएम गरीब कल्याण योजना व अन्य योजनेच्या लाभार्थींना बँक अधिकृत प्रतिनिधी व इंडिया पोस्ट पेमेंट बँकेच्या माध्यमातून ८.५ कोटी एवढ्या रकमेचे घरपोच वाटप करण्यात आले. नाबार्डने १७ ठिकाणी ५२ं३ व सोलर ऊर्जेसाठी ४३ लाख आणि ८० मायक्रोएटीएमसाठी १८ लाख मंजूर केल्याची माहिती या वेळी देण्यात आली. बैठकीला विविध बँकांचे प्रतिनिधी उपस्थित होते.२२ जूनला गावनिहाय मेळावेजिल्हा मध्यवर्ती सहकारी बँकेतर्फे नंदुरबार तालुक्यात टोकरतळे, धुळवद, रजाळे, शनिमांडळ, काकर्दे, कोपर्ली, नाशिंदा व कोकणीपाडा. शहादा तालुक्यात पाडळदा, लांबोळा, कहाटूळ, प्रकाशा, सारंगखेडा, कानडीतर्फे हवेली, रायखेड, फेस, वडाळी व तोरखेडा. नवापूर तालुक्यात वडकळंबी, करंजवेल, चितवी, गंगापूर व भादवड. तळोदा तालुक्यात मोरवड व कढेल. अक्कलकुवा तालुक्यात अक्कलकुवा, मोलगी व रायसिंगपूर. धडगाव तालुक्यात मांडवी या गावांच्या ठिकाणी २२ जून रोजी शेतकºयांना किसान क्रेडीट कार्डच्या आधारे पीक कर्ज वाटपासाठी शिबिर आयोजित करण्यात येणार आहे.