Nandurbar News | Latest Nandurbar News in Marathi | Nandurbar Local News Updates | ताज्या बातम्या नंदूरबार | नंदूरबार समाचार | Nandurbar Newspaper

नंदुरबार : कोरोनाची तिसरी लाट येणार अशी शक्यता आयसीएमआरने वर्तवली आहे. ऑगस्ट महिन्यात येऊ घातलेल्या या संभाव्य कोरोना लाटेसाठी नंदुरबार जिल्हा सज्ज असून, साधारण ५०० ऑक्सिजन बेड आणि ऑक्सिजन प्लांट उभारणी पूर्ण झाली आहे. यामुळे जिल्ह्यात संकट आले तरी परतवून लावू, असा निर्धार प्रशासन करत आहे.जिल्ह्यात गेल्या वर्षात शिरकाव करणाऱ्या कोरोनाने मार्च २०२१मध्ये राैद्र रुप धारण केल्याने संपूर्ण जिल्हा हादरला होता. रुग्णसंख्या हजारोंच्या घरात गेल्यानंतर उपचारांसाठी बेड मिळणे मुश्किल झाले होते. यावर मात करत जिल्हा प्रशासन व आरोग्य विभागाने नंदुरबार जिल्हा रुग्णालय व कोविड केअर सेंटर्स याठिकाणी १ हजार २५, तर तालुकास्तरावर ९०० असे १ हजार ९०० बेड निर्माण करत रुग्णांना उपचार देणे सुरू केले होते. सात शासकीय रुग्णालये, ९ कोविड केअर सेंटर्स अविरत सुरू राहिल्याने कोरोनाची दुसरी लाट आटोक्यात आणली गेल्याची माहिती देण्यात आली आहे. दरम्यान, आता येऊ घातलेल्या तिसऱ्या संभाव्य लाटेचा धोका असल्याने रुग्णालयात ऑक्सिजन वाढीवर भर देण्यात आला आहे. यातून जिल्हा रुग्णालयात ३५० बेडसाठीचा लिक्विड ऑक्सिजन प्रकल्प पूर्णत्त्वास आला असून, हा प्रकल्प दोन दिवसात सुरु होणार आहे. सोबतच ग्रामीण रुग्णालये व प्राथमिक आरोग्य केंद्रांमध्ये बेड वाढीवर भर दिला जात आहे.ऑक्सिजनजिल्हा रुग्णालय व शहादा अशा दोन ठिकाणी सध्या ऑक्सिजन प्रकल्प सुरु आहेत. येत्या १५ दिवसात नवापूर, तळोदा व धडगाव येथील प्रकल्प पूर्ण होतील.ऑक्सिजन बेडजिल्हा रुग्णालयातील दुसरा ऑक्सिजन प्रकल्प सुरु झाल्यानंतर ३५० बेडला २४ तास थेट ऑक्सिजन देता येणार आहे. यासाठीची तयारी पूर्ण झाली आहे.कोविड केअर सेंटर्ससध्या जिल्ह्यात ९ कोविड केअर सेंटर्स असून, ९०० बेड या सेंटर्समध्ये आहेत. प्राथमिक आरोग्य केंद्रस्तरावर विलगीकरण कक्ष तयार करण्यात आले आहेत.औषधीजिल्ह्यात कोरोनाबाधितांसाठी लागणाऱ्या फॅबीफ्ल्यूसह गोळ्यांचे डोसेज उपलब्ध करुन ठेवण्यात आले आहेत. खासगी रुग्णालयातही औषधे आहेत. रेमडेसिविर इंजेक्शन्स शासन देत आहे.आम्ही सज्ज...जिल्हा रुग्णालय तसेच ग्रामीण रुग्णालयांमध्ये सर्वत्र ऑक्सिजन आणि बेड वाढीवर भर दिला जाणार आहे. संभाव्य तिसऱ्या लाटेसाठी आरोग्य प्रशासन सज्ज आहे.-डाॅ. के. डी. सातपुते,अतिरिक्त जिल्हा शल्यचिकित्सक.

Nandurbar (Marathi News)