नवापूर तालुक्यातील बोकळझर गावात लसीकरण संदर्भात जनजागृती रथ तयार करून लसीकरण संदर्भात आवाहन करण्यात येत आहे. शिक्षक, अंगणवाडीसेविका, ग्रामसेवक आरोग्य अधिकारी, नर्स, डॉक्टर होम टू होम लसीकरणाचे सर्वेक्षण व जनजागृती करीत आहे. काही स्वयंसेवी संस्था गीत सादर करून आवाहन करीत आहे. गावातील सरपंच राहुल गावित, शिक्षक अनिल पाटील, सुनील नहिरे, प्रदीप अहिरे यांनी नागरिकांना अहवान केले आहे. ग्रामीण भागात लसीकरणाबाबत भीतीचे वातावरण निर्माण झाले आहे, ही भीती दूर करणे गरजेचे आहे. नंदुरबार जिल्ह्यात साधारणता वीस लाख लोकसंख्येत फ्रन्टलाइन वर्कर, ६५ वर्षे ते ४५ वर्षांतील साधारण १ लाख लोकांनी कोरोनाची लस घेतली आहे, तर नवापूर तालुक्यात एकूण ३ लाख ३९ हजार लोकसंख्या असून, पहिला डोस ७ हजार ४८८ तर दुसरा डोस २ हजार ५३३ लोकांनी घेतला आहे. लसीकरणाचे प्रमाण अत्यंत कमी आहे. लसीकरण वाढण्यासाठी तालुक्यात जनजागृती मोहीम व होम टू होम सर्वेक्षण केले जात आहे. नागरिकांनी लसीकरण करावे, दोन्ही लसी सुरक्षित आहेत. अफवांवर विश्वास ठेवू नका, अशी माहिती मंदार कुलकुर्णी यांनी दिली आहे. लसीकरण वाढविण्यासाठी मोठे शर्तीचे प्रयत्न केले जात आहे.
शहरी भागांमध्ये लसीकरणासाठी मोठमोठ्या रांगा लागल्या आहे, परंतु नंदुरबार जिल्ह्यात लसीकरणासाठी प्रशासनाला वारंवार आवाहन करावे लागत आहे. कोरोनापासून बचाव करण्यासाठी लसीकरण महत्त्वाचं असल्याचं तज्ज्ञांनी सांगितले आहे. कोरोनाचे संक्रमण होऊ नये, म्हणून लसीकरण, तसेच शासनाने दिलेल्या त्रिसूत्री मंत्राचा वापर करणे गरजेचे आहे. तोंडाला मास्क, फिजिकल अंतर, हात स्वच्छ धुणे, नवापूर तालुक्यात कोरोणाचे रुग्ण बरे होण्याचे प्रमाण वाढले आहे काल २५३ कोरोना पॉझिटिव्ह रुग्ण बरे झाले आहेत.