कार्यक्रमास तहसीलदार मंदार कुलकर्णी, काँग्रेसचे तालुकाध्यक्ष जालमसिंग गावीत, तानाजी वळवी, तालुका आरोग्य अधिकारी डॉ.अविनाश मावची, डॉ.प्रवीण पाडवी, लक्कडकोटच्या सरपंच मिलका गावीत, कारेघाटचे सरपंच दिलीप गावीत, भरत गावीत, प्रकाश गावीत, तलाठी विनायक गावीत, ग्रामसेवक परमेश्वर गंडे, केंद्रप्रमुख किशोर रायते, आदर्श शिक्षक भगवान सोनवणे, जया नेरे, सारिका तांबोळी, शांतू मावची, नीलेश देवरे आदी उपस्थित होते.
यावेळी आमदार नाईक म्हणाले की, कोरोना लस सुरक्षित असून, ही लस सर्व पात्र ग्रामस्थांनी घेतली पाहिजे. कारण कोरोनापासून बचावासाठी या लसीमुळे मोठे सुरक्षा कवच मिळणार आहे. लसीबाबत ग्रामस्थांनी कोणतीही शंका मनात आणू नये. आपण सुरक्षित तर आपले कुटुंब व गाव सुरक्षित राहणार आहे. नवापूर शहर व तालुका कोरोनामुक्त व लसीकरणयुक्त करण्यासाठी प्रयत्न असून, यासाठी सरपंच-उपसरपंच यांनी ग्रामस्थांना लसीकरणासाठी प्रोत्साहित करावे, असे आवाहनही त्यांनी केले. तहसीलदार कुलकर्णी व आरोग्य अधिकारी डॉ.मावची यांनीही मार्गदर्शन केले. सूत्रसंचालन भगवान सोनवणे यांनी तर आभार ग्रामसेवक परमेश्वर गंडे यांनी मानले.