माहूर (जि.नांदेड): साडेतीन शक्तिपीठांपैकी एक मूळ पीठ असलेल्या श्री रेणुकादेवी संस्थानने नैसर्गिक आपत्तीत सापडलेल्या पूरग्रस्तांना एक कोटी एक लक्ष रुपयाची सहाय्यता केली आहे. इतर धार्मिक संस्थान व सामाजिक संस्था यांनी सुद्धा अशाच प्रकारची सहाय्यता करावी, असे आवाहन जिल्हाधिकारी राहुल कर्डीले यांनी आज ( दि. ३०) पत्रकार परिषदेतून केले.
जिल्हाधिकारी राहुल कर्डीले यांनी आज सकाळी यात्रा नियोजन अंतर्गत केलेल्या व्यवस्थेची पाहणी केली. त्यानंतर शासकीय विश्रामगृहात आयोजित पत्रकार परिषदेत लिफ्ट्सह स्कायवॉक, वाहनतळ आणि व्यापारी संकुल हे काम लवकरच पूर्ण केले जाईल,असे त्यांनी स्पष्ट केले. अतिवृष्टी बाधित नागरिक व शेतकऱ्यांना आर्थिक मदत देण्यासाठी प्रशासन युद्ध स्तरावर काम करीत आहे. असे ते म्हणाले. पुरामुळे नदी व नाला काठची जमीन खरडून नुकसान झालेल्या शेतकऱ्यांना मदत देण्या संदर्भात शासन सहानुभूतीपूर्वक विचार करत आहे, असे ते म्हणाले. यावेळी त्यांचे समवेत तहसीलदार अभिजित जगताप, नगराध्यक्ष फिरोज दोसाणी, मुख्याधिकारी विवेक कांदे यांची उपस्थिती होती.
Web Summary : Renuka Devi Temple in Mahur donated ₹1.01 crore to flood victims. District Collector Rahul Kardile urged other institutions to help. Infrastructure projects are progressing. The administration is working to provide financial aid to affected citizens and farmers, considering aid for land erosion.
Web Summary : माहूर के रेणुका देवी मंदिर ने बाढ़ पीड़ितों को ₹1.01 करोड़ दान किए। जिलाधिकारी राहुल कर्डीले ने अन्य संस्थानों से मदद करने का आग्रह किया। बुनियादी ढांचा परियोजनाएं प्रगति पर हैं। प्रशासन प्रभावित नागरिकों और किसानों को वित्तीय सहायता प्रदान करने के लिए काम कर रहा है, भूमि कटाव के लिए सहायता पर विचार कर रहा है।