Coronavirus : नांदेडमध्ये आणखी १३ पॉझिटिव्ह; रुग्णसंख्या ९७ वर

बारड येथेही आणखी एक पॉझिटिव्ह

नांदेड: जिल्हयातील बाधित रुग्णांची संख्या दिवसेंदिवस वाढत आहे. शनिवारी १८ रुग्णांची भर पडल्यानंतर रविवार ही नांदेडकरांची चिंता वाढविणारा ठरला. रविवार १७ मे रोजी सकाळी प्राप्त नमुन्यांच्या अहवालांपैकी १३ नमुने अहवाल पॉजिटिव्ह आढळून आले आहेत.

यातील  ९ रुग्ण प्रवासी आहेत, एक रुग्ण करबला भागातील आहे , तर दोघे अबचल नगर  येथील रहिवासी आहेत.  दूसरीकडे  बारड येथेही आणखी एक रुग्ण आढळला असून तो बारड येथील शासकीय रूग्णालयात दाखल आहे. दरम्यान, या नव्या १३ रुग्णांमुळे जिल्हयातील एकूण रुग्णांची संख्या ९७ वर जावून पोहंचली आहे.