शीतलवाडी येथे ५१ नागरिकांचे लसीकरण

रामटेक : शीतलवाडी (ता. रामटेक) येथे शुक्रवारी (दि. ३०) विशेष लसीकरण माेहीम राबविण्यात आली. यावेळी ५१ नागरिकांना काेराेना प्रतिबंधक लस टाेचण्यात आली.

या शिबिराचे आयाेजन स्थानिक ग्रामपंचायत भवनात करण्यात आले हाेते. हा लसीकरण कार्यक्रम तहसीलदार बाळासाहेब मस्के व तालुका आराेग्य अधिकारी डाॅ. चेतन नाईकवार यांच्या मार्गदर्शनात पार पडला. यावेळी नागरिकांना काेराेना प्रतिबंधक लसीचे महत्त्व पटवून देण्यात आले. शिवाय, या लसीबाबत निर्माण झालेले गैरसमज दूर करण्यासाठी जनजागृतीही करण्यात आली. लस घेतलेल्या नागरिकांनी लस घेण्यासाठी दुसऱ्याला प्रेरित करण्याचे आवाहनही बाळासाहेब मस्के व डाॅ. चेतन नाईकवार यांनी केले. याप्रसंगी सरपंच मदन सावरकर, उपसरपंच विनाेद सावरकर यांच्यासह आराेग्य विभागाचे कर्मचारी, ग्रामपंचायत सदस्य व कर्मचारी उपस्थित हाेते.