उपराजधानीतील २९ पोलीस निरीक्षकांच्या बदल्या

नागपुरातील २९ पोलीस निरीक्षकांसह राज्यातील ४९२ पोलीस निरीक्षकांच्या बदल्यांची यादी अखेर आज जाहीर झाली. नागपुरातून बदल्या झालेल्यांमध्ये पोलीस प्रशिक्षण केंद्रातील सहा,

पुरंदरे, हिवरे, रेड्डीवार, नंदनवार, जाधव, बद्रे यांचाही समावेश

नागपूर : नागपुरातील २९ पोलीस निरीक्षकांसह राज्यातील ४९२ पोलीस निरीक्षकांच्या बदल्यांची यादी अखेर आज जाहीर झाली. नागपुरातून बदल्या झालेल्यांमध्ये पोलीस प्रशिक्षण केंद्रातील सहा, जात पडताळणी विभागातील पाच, लाचलुचपत प्रतिबंधक विभागातील चार, गुन्हे व वाहतूक आणि लोहमार्ग दलातील प्रत्येकी दोन पोलीस निरीक्षकांचाही समावेश आहे. गेल्या अनेक दिवसांपासून पोलीस निरीक्षकांना बदल्यांची प्रतीक्षा होती.

पोलीस प्रशिक्षण केंद्रातील बाजीराव बाळासाहेब कळंबे यांची ठाणे ग्रामीणला, अशोक हरिभाऊ पवार यांची नागपूर शहरात, श्रीकांत रेवणसिंग धरणे ठाणे शहरात, कैलास संपतराव तानकर नागपूर ग्रामीण, प्रभाकर गुलाबराव तिक्कस चंद्रपूर तर, राजेंद्र रामनाथ नागरे यांची भंडारा येथे बदली झाली.

अभय रामराव पान्हेकर यांची लोहमार्ग नागपूर, संजय भिकाजी पांडे यांची नागपूर शहर, अविनाश विष्णुपंत करमरकर - राज्य गुन्हे अन्वेषण, राहुल योगिराज पाटील - नागपूर शहर आणि युवराज मारुती मोहिते यांची सांगलीला बदली करण्यात आली. वाहतूक शाखेतील रमेश रामभाऊ बद्रे यांची अमरावतीला, दुगभाई शेख - अहमदनगर, माणिकराव ज्ञानदेव जाधव - ठाणे शहर, गुन्हे शाखेच्या कमल जाधव - अमरावती, सुनील शिंदे पोलीस प्रशिक्षण केंद्र, नागपूर, अरविंद आडके धुळे, पोलीस आयुक्तालयातील रामचंद्र मारुती काटोले यांची पोलीस प्रशिक्षण केंद्र नागपूर, बाजीराव भोळे यांची पुणे शहरात, विशेष पोलीस महानिरीक्षक कार्यालयातील दिलीप मसराम यांची नागपूर ग्रामीणला, लोहमार्ग नागपुरातील राजा पवार नागपूर शहरात तर, सुभाष भोये यांची नंदूरबारला बदली झाली आहे. नक्षलविरोधी अभियानातील जमील अहमद शेख आणि अनिल शेवाळे यांची नागपूर एटीएसमध्ये, एसीबीतील संजय पुरंदरे आणि हरिश्‍चंद्र रेड्डीवार यांची नागपूर ग्रामीणला, नरेंद्र हिवरे यांची भंडारा तर, सुधीर नंदनवार यांची नागपूर शहरात बदली करण्यात आली.

सुरेश बुधवंत यांची बदली पोलीस प्रशिक्षण केंद्र जालना येथे झाली आहे. बदली झालेल्या या सर्वांंना लवकरच कार्यमुक्त केले जाणार आहे. (प्रतिनिधी)