लाेकमत न्यूज नेटवर्क
कामठी : नवीन कामठी पाेलिसांनी न्यू येरखेडा परिसरात सुरू असलेल्या जुगार अड्ड्यावर धाड टाकून पाच जुगाऱ्यांना ताब्यात घेत अटक केली. त्यांच्याकडून राेख रक्कम, दुचाकी वाहने असा एकूण ३ लाख ६२ हजार २३५ रुपये किमतीचा मुद्देमाल जप्त करण्यात आला. ही कारवाई शुक्रवारी (दि.५) रात्री ९.३० वाजताच्या सुमारास करण्यात आली.
अटक करण्यात आलेल्या आराेपींमध्ये शहनाज अख्तर खलील उर रहमान (२१, रा. इस्माईलपुरा, कामठी), माेहम्मद नदीम माेहम्मद आरिफ (२१, रा. नया गाेदाम, कामठी), माेहम्मद जुबेर माेहम्मद सलीम (२४, रा. बुनकर काॅलनी), माेहम्मद साजिद माेहम्मद अस्लम (३१) व माेहम्मद युनूस माेहम्मद अनिस (३५) दाेन्ही रा. इस्माईलपुरा, कामठी यांचा समावेश आहे. न्यू येरखेडा भागातील नाला काठालगतच्या माेकळ्या जागेत जुगार खेळला जात असल्याची गुप्त सूचना पाेलिसांना मिळाली. त्याआधारे पाेलिसांनी सापळा रचून सदर जुगार अड्ड्यावर धाड टाकली असता, आराेपी ताशत्त्यांवर पैशांचा जुगार खेळताना आढळून आले. पाेलिसांनी पाच जुगाऱ्यांना ताब्यात घेत अटक केली, तर काही आराेपी अंधाराचा फायदा घेत पसार झाले.
या कारवाईत राेख ५,७३५ रुपये, ३७,५०० रुपये किमतीचे पाच माेबाईल हॅण्डसेट तसेच सहा दुचाकी वाहने (क्रमांक एमएच-४०/बीपी-७३८७, एमएच-४०/बीएस-१३१०, एमएच-३१/सीई-९७०८, एमएच-३१/एई-९०८६, एमएच-४०/बीक्यू-९२४९ व एमएच-४०/एएस-११९०) व जुगार खेळण्याचे साहित्य असा एकूण ३ लाख ६२ हजार २३५ रुपयांचा मुद्देमाल जप्त केला. याप्रकरणी नवीन कामठी पाेलिसांनी १२ मुंबई जुगार प्रतिबंधक कायद्यान्वये गुन्हा नाेंदविला असून, आराेपींना अटक केली आहे. ही कारवाई पाेलीस उपायुक्त नीलाेत्पल, सहायक पाेलीस उपायुक्त राेशन पंडित, ठाणेदार संजय मेंढे यांच्या मार्गदर्शनात सहायक पाेलीस निरीक्षक सुरेश कन्नाके, हवालदार मनाेहर राऊत, प्रमाेद वाघ, सुरेंद्र शेंडे, ललित शेंडे, अनिल बाळराजे, नीलेश यादव, शंकर खंडाते, मयूर बन्साेड यांच्या पथकाने केली.