प्रशांत कोरटकर मध्य प्रदेशात फरार; कोल्हापूर पोलिसांचा नागपुरात तळ

नागपूर : इतिहास अभ्यासक इंद्रजीत सावंत यांना फोनवरून शिवीगाळ करीत धमकी दिल्याच्या प्रकरणातील आरोपी प्रशांत कोरटकरच्या अटकेसाठी कोल्हापूरपोलिसांचे पथक नागपुरात पोहोचले व त्याच्या निवासस्थानी छापा टाकला. मात्र, कोरटकर हा अगोदरच फरार झाला होता.कोरटकर मध्य प्रदेशातील बालाघाट परिसरात असल्याची माहिती पोलिसांना मिळाली असून, एक पथक तिकडे रवाना झाले आहे. दरम्यान, कोरटकरला अटक करीत कठोर कारवाई करावी, यासाठी सकल मराठा समाजाने आक्रमक भूमिका घेतली आहे. त्यांनी पोलिस आयुक्त डॉ. रवींद्रकुमार सिंगल यांचीदेखील भेट घेतली.कोरटकरने केवळ सावंत यांना धमकीच दिली नाही तर छत्रपती शिवाजी महाराज व छत्रपती संभाजी महाराज यांच्याबाबत आक्षेपार्ह वक्तव्यदेखील केले. कोरटकरने आवाज मॉर्फ केल्याचा दावा केला असला, तरी कोल्हापूरमध्ये मात्र गुन्हा दाखल करण्यात आला आहे. मुधोजीराजे भोसले यांच्या नेतृत्वात नागरिक कृती समितीच्या कार्यकर्त्यांनी पोलिस आयुक्तालय गाठले. त्यांनी सहपोलिस आयुक्त निसार तांबोळी यांची भेट घेत त्यांना निवेदन सादर केले.