Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

लोकमत न्यूज नेटवर्कनागपूर : प्रकृती चांगली वाटत नसल्याने गावाकडे निघालेल्या उत्तर प्रदेशातील एका तरुणावर काळाने मध्येच झडप घातली. बसच्या प्रतपक्षेत असताना बसल्याबसल्याच त्याचा मृत्यू झाला. पत्रकार भवनाजवळ गुरुवारी सकाळी ही घटना घडली.सोनू गंगाप्रसाद राजपूत (वय २६) असे मृताचे नाव आहे. तो रायबरेली (उत्तर प्रदेश) जिल्ह्यातील अंतरलहर (लालगंज) येथील रहिवासी होता. रोजगाराच्या शोधात गावातील काही तरुणांसोबत सोनू महाराष्ट्रात आला होता. लातूरला त्यांना काम मिळाले त्यामुळे सोनू तिकडे राहत होता. दोन दिवसांपासून सोनूला बरे वाटत नव्हते. त्यामुळे हरिशंकर निर्भयशंकर राजपूत (वय २०, रा. अंतरलहर) सोबत सोनू गावाकडे निघाला. हे दोघे खासगी बसने नागपुरात आले. टिळक पत्रकार भवनासमोर असलेल्या ट्रॅव्हल्सच्या ऑफिसजवळून त्यांना दुसरी बस पकडायची होती. त्यांचे तिकीट बुक होते. त्यामुळे सोनू आणि हरिशंकर भल्या सकाळी पत्रकार भवनाच्या वॉल कंपाऊंडलगत बसले. सकाळी ६ च्या सुमारास सोनू बसल्याबसल्याच कलंडला. तो निपचित पडल्याचे पाहून हरिशंकरने आरडाओरड केली. बाजूच्यांनी धंतोली पोलिसांना कळविले. पोलिसांनी घटनास्थळी धाव घेतली. सोनूचा मृत्यू झाल्याचे लक्षात आल्यानंतर मृतदेह मेडिकलला हलविण्यात आला. हरिशंकर राजपूतच्या तक्रारीवरून पोलिसांनी अकस्मात मृत्यूची नोंद केली. पुढील तपास सुरू आहे.---

Nagpur (Marathi News)